Horoskopi ditor, e mërkurë 26 tetor 2022

Ky është horoskopi  ditor për ditën e sotme, e mërkurë 26 tetor 2022. Parashikimi për punën, shëndetin dhe  ndjenjat, si do të ecë dita për të lindurit e çdo shenje.

Dashi

Sot Hëna do privilegjojë miqësinë dhe jetën familjare për ju. Do qëndroni më shumë kohë me ta, do argëtoheni dhe do mbusheni me oksigjen. Nëse keni një lidhje partneri juaj do ndërmarrë disa iniciativa për të mirën e lidhjes tuaj dhe ju nuk duhet absolutisht t’ia ndalni hovin. Lëreni atë t’iu udhëheqë dhe nuk do pendoheni. Ju beqarët do njiheni papritur me persona joshës dhe inteligjentë. Nëse pranoni të vazhdoni njohjen keni për të bërë zgjedhjen e duhur. Në punë do arrini të realizoni gjithcka që keni në mendje dhe do ndiheni të përmbushur. Sektori i financave do marrë bekimin e yjeve.

Demi

Ndërlidhni imagjinatën me energjinë dhe asgjë nuk do ju rezistojë dot gjatë kësaj dite. Gjërat kanë për t’iu ecur mirë kudo, por në punë do shkëlqeni edhe më shumë. Nëse jeni në një lidhje do ju lindin plot ide si ta bëni çdo çast edhe më të bukur. Do filloni të bëni plane e mund të mendoni edhe për sakrifica që gjithçka të jetë sa më e bukur. Ju beqarët do afroheni edhe me shume më një person të rrethit shoqëror. Marsi dhe Plutoni do jenë planetët që do ju mbështesin më së shumti në punë. Do keni ide inovative, do jeni këmbëngulës dhe do keni gjithë arritjet e shumë dëshiruara. Në planin financiar maturia nuk do ju lejojë të gaboni.

Binjakët

Ide të reja do lindin sot dhe arrini ta bëni ditën akoma më të bukur. As intuita nuk do ju lejojë të gaboni. Nëse jeni në një lidhje dhe keni gjëra për t’i thënë partnerit apo kritika për t’i bërë gjeni momentin dhe fjalët e duhura. Nëse nuk tregoheni të matur gjithçka do shpërtheje si vullkan dhe nuk do e merrni veten lehtësisht. Ju beqarët do favorizoheni mjaft nga yjet dhe gjërat do ju ecin fiks ashtu si i kishit ëndërruar. Në punë do iu jepen detyra të reja të cilat do ju shtojnë stresin ama edhe do ju kënaqin. Quajeni vlerësim atë që do bëjnë shefat. Shpenzimet me zor do arrini t’i kontrolloni dhe mund t’iu dalë ndonjë problem i vogël.

Gaforrja

Marsi do ju ndihmojë të keni edhe më shumë sukses dhe arritje sot. Do e keni edhe më të lehtë t’i shprehni pikëpamjet tuaja. Nëse jeni në një partneri do ju mbajë në pëllëmbë të dorës. Mirëqenia dhe lumturia juaj do jenë mbi gjithçka për të. Nuk do mungojnë as çastet romantike që do ju bëjnë të ndiheni vërtet si në ëndërr. Nuk do keni çfarë të kërkoni më tepër. Ju beqarët do jeni më të favorizuar se disa ditë më parë dhe do realizoni njohje të reja në ambientet më pak të imagjinuara. Në punë do e fitoni “luftën” pa luftuar aspak. Kjo është zotësia juaj kështu që bravo ju qoftë. Edhe financat do jene të mira. Të gjitha sakrificat e bëra do japin frytet e veta.

Luani

Sot do jeni në humor të shkëlqyer dhe të gatshëm për të bërë edhe gjëra të veçanta. Në disa fusha do arrini suksesin e shumëpritur. Ju qe keni një lidhje do jeni pafund bashkëpunues me partnerin dhe do bini dakord për të provuar diçka të re që mund t’ua zbukurojë jetën. Për ju beqarët zemra do flasë sot dhe do ju drejtojë të hidhni hapat e duhura. Dëgjojeni atë sepse nuk do ju zhgënjejë. Në punë të gjithë do kërkojnë këshilla nga ju sepse jeni më të vërtetë të zotët. Shfrytëzojini arritjet për të kërkuar më shumë nga shefat. Sektori i financave nuk do jetë problematik kështu që mund të vazhdoni t’i kryeni shpenzimet.

Virgjëresha

Sot do e shihni jetën me pozitivizëm dhe në fakt do bëni shumë mirë. Optimizmi dhe buzëqeshja do ju ndihmojnë të kaloni pa problem edhe momentet e vështira. Nëse jeni në një lidhje do bëni gjithçka që do mundeni për të ulur tensionin në çift dhe për t’u sqaruar qetësisht me partnerin. Po ruajtët heshtjen dhe po hapët rrugë do e shihni se deri ne mbrëmje çdo gjë do normalizohet. Ju beqarët do jeni shumë të hapur për njohje të reja, do flisni me të gjithë pa dorashka dhe do tek dikush do bini më në sy. Mund të merrni edhe ndonjë ftesë në mbrëmje. Në punë do i bëni gjërat si duhet dhe nuk do keni surpriza. Në planin financiar tregohuni më të vëmendshëm dhe mos e lëshoni dorën me shpenzimet.

Peshorja

Puna dhe problemet në punë do jenë shqetësimet më të mëdha gjatë kësaj dite, por gjithsesi ju nuk do e lëshoni veten. Nëse jeni në një lidhje mundohuni vetëm të mbani larg rutinën sepse ashtu gjithçka mund të zgjidhet shpejt. Mbrëmja do jetë shumë më e ngrohtë se më parë. Ju beqarët duhet të largoni komplekset dhe të mos kërkoni perfeksionin pasi jo vetëm që nuk do arrini asgjë, por mundet edhe të mërziteni më shumë. Në punë gjërat do ju ecin keq e më keq. Mundohuni që financat të paktën t’i mbani të stabilizuara sepse po u dobësuan edhe ato do ndiheni tërësisht të rrënuar.

Akrepi

Sot do fitoni më shumë autonomi dhe besim kështu që nuk do hezitoni të ndiqni intuitën e të hidhni hapa. Nëse jeni në një lidhje lëreni zemrën të flasë dhe keni për ta parë se ajo do iu udhëheqë drejt rrugës së duhur. Pak fantazi me shumë në mbrëmje do ju bëjë mirë dhe do e ndezë situatën. Ju beqarët do keni veçse mundësi për takime kalimtare dhe mundësi për aventura. Në punë do ju dyfishohet ngarkesa, por nuk do e lëshoni aspak veten. Me guxim dhe këmbëngulje keni për t’ia dalë. Në planin financiar bëjini me kujdes llogaritë nëse nuk doni të papritura.

Shigjetari

Sot do i vini vetes qëllim për të ecur përpara dhe nuk do ndaleni për asnjë lloj arsyeje. Shokët e vjetër do i keni mbështetje shumë të madhe. Nëse jeni në një lidhje do jeni të gatshshëm të bashkëpunoni dhe të bëni tolerime për të mirën e përbashkët. Kritikat e partnerit mos i merrni fare për keq. Ju beqarët nuk do e realizoni dot sot takimin e jetës tuaj. Do jeni të stresuar dhe aspak ne humor për ta kërkuar dashurinë. Në unë do provoni një fushë të re që më parë nuk kishit guxuar dhe do zbuloni se keni më shumë aftësi nga sa mendonit. Në planin financiar intuita nuk ka për t’iu çuar në rrugë të gabuar.

Bricjapi

Sot do keni ide të shkëlqyera se si të realizoni disa nga objektivat tuaja. Nga ana tjetër nuk do ju mungojë as durimi. Nëse jeni në një lidhje mëngjesi do jete paska i trazuar dhe me ndonjë debat, por pas mesditës gjithçka do qartësisht dhe zemra juaj do ndihet mirë. Për beqarët ka për të qenë një ditë shumë e bukur e mbushur me entuziazëm. Ndonjëherë gjërat më të bukura ndodhin atëherë kur nuk i parashikon. Sektori profesional do jetë i shkëlqyer. Jo vetëm që do ecni para me ritme të shpejta, por do ju dëgjohet edhe fjala. Edhe pse financat do jenë të mira nuk duhet të shpenzoni pa u menduar.

Ujori

Venusi do vazhdoje të kujdeset ende për ju gjatë kësaj dite. Do kaloni momente të bukura, do ndiheni të pavarur dhe do shpreheni lirshëm për ato që mendoni. Nëse jeni në një lidhje duhet të gjeni sa më shumë kohë për ta kaluar me partnerin pasi ai vërtet do ketë nevojë për ju. Së bashku mund të zgjidhni edhe dilemat, por do mund ta kaloni edhe çaste të ngrohta. Ju beqarët duhet të jeni sa më të hapur për takime sepse kjo mund të jetë dita juaj. Në punë tregohuni të arsyeshëm dhe mundohuni të përshtateni edhe me kolegët edhe me projektet e reja. Buxhetin do e keni më shumë prioritet.

Peshqit

Ditë sharmante do jete kjo e sotmja për ju dhe buzëqeshja nuk do ju largohet nga fytyra. Nëse jeni në një lidhje do kaloni orë të këndshme pranë atij që dashuroni. Nuk do mungojnë nga të dyja palët komplimentet, fjalët e ëmbla dhe gjestet romantike. Gjithçka do jetë në perfeksion. Për ju beqarët dashuria do fillojë me një shoqëri kështu që tregohuni sa më të hapur për njohjet e reja. Në punë vërtet do jeni të ngarkuar, por përkujdesi dhe përgjegjshmëria nuk do ju çoje në rrugë të gabuar. Organizimi gjithashtu do jetë një pikë e fortë. Në planin financiar mund të keni disa vështirësi të vogla, por sidoqoftë gjendja nuk do jetë alarmante.

 

Fraksion.com