Dialogu i partneritetit strategjik SHBA-Shqipëri, përpjekje të përbashkëta në fusha me rëndësi gjeostrategjike
Në Washington DC u zhvillua të martën, dialogu i partneritetit strategjik mes Shqipërisë dhe SHBA, për herë të parë në format të zgjeruar, me përfaqësues nga 8 ministri e struktura të linjës.
Ambasada e Shteteve të Bashkuara të Amerikës në Tiranë njoftoi sot se, gjatë dialogut strategjik SHBA-Shqipëri dje në Uashington DC, ndihmëssekretarja e Shtetit për Çështjet Evropiane dhe Euroaziatike, Karen Donfried dhe ministrja e Jashtme shqiptare, Olta Xhaçka diskutuan mbi përpjekjet e përbashkëta për forcimin e institucioneve demokratike, rritjen në fushën e mbrojtjes dhe sigurisë kibernetike dhe nxitjen e mirëqenies ekonomike të Shqipërisë.
Në përbërje të delegacionit shqiptar për herë të parë kishte përfaqësues në nivel të lartë nga MEPJ, Ministria e Mbrojtjes, Ministria e Brendshme, Ministria e Infrastrukturës dhe Energjisë, Ministria e Financës dhe Ekonomisë, Ministria e Drejtësisë etj., dhe për palën amerikane nga DASH, Departamenti i Mbrojtjes, Tregtisë etj.
Departamenti Amerikan i Shtetit u përfaqësua nga ndihmëssekretarja e Shtetit Donfried, zvndihmëssekretari i Shtetit Escobar, zvssekretari i Mbrojtjes etj.
Dialogu synoi thellimin dhe zgjerimin e partneritetit strategjik mes Shqipërisë dhe SHBA dhe forcimin e bashkëpunimit në fusha me rëndësi gjeostrategjike si: siguria, mbrojtja kibernetike, bashkëpunimi në kuadër të Këshillit të Sigurimit, energjia, transporti, klima, transformimi digjital etj.
Shkëmbimi i mendimeve dhe qëndrimeve mbi sfidat e përbashkëta në fushën e sigurisë si rezultat i zhvillimeve në arenën ndërkombëtare gjithashtu u preken gjatë dialogut.
Dialogu i partneritetit strategjik erdhi në 100-vjetorin e vendosjes së marrëdhënieve diplomatike mes Shqipërisë dhe SHBA.
Fraksion.com
