“Për Elbasan nga porta hyrëse dhe dalëse e kryeqytetit”, Rama vijon takimet me qytetarët

Kryeministri publikoi në rrjetet sociale momente nga udhëtimi drejt qytetit të Elbasanit, përmes aksit të ri lidhës në autostradën Tiranë-Elbasan.

“Për Elbasan nga porta hyrëse dhe dalëse e kryeqytetit, aksi i ri lidhës i qarkullimit të automjeteve në autostradën Tiranë-Elbasan”, shkruan Rama.

I konsideruar si porta hyrëse lindore e kryeqytetit, nënkalimi te rrethrrotullimi i TEG-ut, pjesë e Unazës së Madhe të kryeqytetit, lidh disa nyje të Tiranës, por edhe aksin kombëtar Tiranë-Elbasan.

Nënkalimi lidh aksin Tiranë-Elbasan pa ndërprerje dhe lehtëson trafikun në këtë segment duke u mundësuar automjeteve kalimin pa ulur shpejtësinë.

Pajisja me sinjalistikë, gjelbërim, ndriçim dhe punimet me standarde europiane të portës hyrëse lindore në kryeqytet, jo vetëm përmirësojnë lëvizjen, por nxisin zhvillimin e mëtejshëm për zonën.