Një person u vra dhe një tjetër ende nën rrënojat e sulmeve me dron në Kiev, tha kryebashkiaku i qytetit

Një grua ka vdekur dhe një person tjetër mbetet nën rrënojat në vendin e një sulmi fatal me dron në Kiev të hënën, sipas kryebashkiakut të qytetit.

“Trupi i një gruaje të vdekur u nxor nga rrënojat në shtëpinë në lagjen Shevchenkivskyi, ku pati një shpërthim si pasojë e një sulmi me dron”, tha Vitali Klitschko në Telegram. Një person tjetër është nën rrënoja.

Tre persona janë shtruar në spital, shtoi Klitschko.

Moska nisi një raund të ri sulmesh vdekjeprurëse me dron “kamikaze” në të gjithë Ukrainën herët të hënën, me armë që Kievi dhe inteligjenca amerikane thonë se ishin furnizuar nga Irani.

Operacionet e kërkim-shpëtimit në vendin e sulmit janë duke vazhduar.

Fraksion.com