Rusia pretendon se ka rrëzuar raketa në rajonin e saj Belgorod pranë kufirit me Ukrainën
Një zyrtar rus të premten në mëngjes tha se mbrojtja ajrore e vendit kishte rrëzuar raketa në rajonin Belgorod, i cili kufizohet me Ukrainën në veri, pranë qytetit ukrainas të Kharkiv.
“Mbrojtja jonë ajrore rrëzoi raketa pranë distriktit Novoskolsk këtë mëngjes. Mbeturinat ranë në afërsi të hekurudhës. Linjat e energjisë u dëmtuan. Trafiku hekurudhor është pezulluar përkohësisht,” tha guvernatori i Belgorod Vyacheslav Gladkov në një deklaratë në Telegram. “Ekuipazhet e urgjencës janë në rrugë. Jam i sigurt se do ta korrigjojnë situatën shumë shpejt dhe trafiku do të rikthehet. Do t’ju mbaj të informuar. Më e rëndësishmja, nuk ka viktima.”
Një kontekst: Moska dhe Kievi kanë fajësuar njëri-tjetrin për dëmet e shkaktuara në një ndërtesë banimi në Belgorod të enjten. Zyrtarët rusë fajësuan Ukrainën, megjithëse këshilltari presidencial ukrainas Mykhailo Podolyak tha se Rusia lëshoi një raketë në drejtim të Kharkiv dhe humbi objektivin e saj.
Fraksion.com
