Inceneratori i Elbasanit: Gjykata e Lartë lë në burg Lefter Kokën

Gjykata e Lartë ka lënë në burg ish-ministrin e Mjedisit Lefter Koka duke mos i pranuar kërkesën për ndryshim mase.

Vendimi i Gjykatës së Lartë është marrë në të njëjtën ditë me vendimin e Gjykatës së Posaçme, e cila pranoi kërkesën e ish-deputetit Alqi Bllako për masë më të lehtë, duke e çuar në arrest shtëpie.

Në dhjetor të vitit të kaluar SPAK urdhëroi prangosjen ish-ministrit të Mjedisit, Lefter Koka për dosjen e inceneratorit në Elbasan.

Mbi Kokën janë 2 masa me ‘arrest me burg’, për inceneratorin e Elbasanit dhe atë të Fierit.

SPAK pretendon se Koka ka përfituar përmes ryshfetit 1.2 milionë euro për ndërtimin e inceneratorit të Fierit, e për këtë shkalla e parë ka caktuar masën sigurisë “arrest me burg”.

Ndërsa për inceneratorin e Elbasanit, Koka akuzohet se ka marrë ryshfet 3.7 milionë euro për ndërtimin e tij.

Për çështjen e inceneratorëve ishte në burg edhe ish Sekretari i Përgjithshëm i Ministrisë së Mjedisit, Alqi Bllako. i cili  la qelinë ditën e djeshme për të vijuar me arrest shtëpije.

Nga ana tjetër, janë shpallur në kërkim edhe Stela Gugalli, e cila në sistemin TIMS rezulton se është jashtë shtetit si dhe Klodian Zoto.

Fraksion.com