Fotot: Uragani Ian godet bregun e Gjirit të Floridës

“Paralajmërimet për stuhinë janë reale, njoftimet e evakuimit janë reale, rreziku është real dhe kur stuhia të kalojë, qeveria federale do të jetë aty për t’ju ndihmuar të rikuperoni,” tha Biden të mërkurën në mëngjes. “Ne do të jemi atje për t’ju ndihmuar të pastroni dhe rindërtoni, për të ndihmuar Florida të lëvizë përsëri dhe ne do të jemi aty në çdo hap të rrugës. Ky është angazhimi im absolut ndaj popullit të shtetit të Floridës”.

Të mërkurën në mëngjes, DeSantis tha se nuk ishte më e mundur që banorët të evakuoheshin në mënyrë të sigurtë dhe në vend të kësaj u kërkoi atyre “të uleshin dhe të përgatiteshin për këtë stuhi”.

“Kjo është një stuhi e fuqishme që duhet trajtuar ashtu siç do ta trajtonit nëse një tornado po i afrohej shtëpisë tuaj,” tha ai. DeSantis inkurajoi banorët të dilnin nga rrugët dhe të përdornin “më shumë se 200 strehimore të hapura vetëm në rajonin jugperëndimor të Floridës”.

“Kjo nuk është vetëm një porosi 48-orëshe, kjo është diçka që do të jetë atje për ditë, javë dhe muaj,” shtoi DeSantis. “Dhe për fat të keq, në disa rrethana, madje edhe vite.”

Shihni më poshtë fotot e shkatërrimit të shkaktuar nga uragani Ian: