“Vjehrri i ministres ua mori palestrën fëmijëve”, Berisha: Spiropali papagall që lexon sms e Ramës

Kryetari i Partisë Demokratike, Sali Berisha ka reaguar në lidhje me komentin e qytetarit në takimin e tij në Gramsh, ku ky i fundit pohoi se nuk i duron dot fyerjet që i bën ministrja Elisa Spiropali.

Berisha theksoi se ministrja është papagall që lexon mesazhet që i vijnë nga Rama, ndërsa e akuzoi vjehrrin e saj se ka marrë një palestër që iu takonte nxënësve.

“Ajo është një papagall që lexon se çfarë i çon Rama me mesazhe. Po unë nuk merrem me…jam i detyruar të merrem me vjedhjet. Shkon vjehrri i saj dhe jua merr palestrën fëmijëve, ato do të dënohen. Jam një zë që qëndroj në Kuvend vetëm për këtë. A është një grup delinkuent.”, tha Berisha.

Berisha pohoi gjithashtu se nesër do të depozitojnë në Kuvend ligjin për Lustracionin dhe Dekomunistizimin

Berisha tha se ky ligj u miratua dhe në 2005, por u rrëzua nga Gjykata Kushtetuese.

“Ne vendosëm ligjin. Jemi të parët në Europë që votuam ligjin kundër gjenocidit të regjimit komunist. Alternanca e pushtetit e bllokoi veprimin e tij. Nesër ne dorëzojmë ligjin në Kuvend për Lustacionin dhe Dekomunistizimit përsëri. E miratuam në 2005 ligjin e Lustracionit, e rrëzoi gjykata Kushtetuese në mënyrë të padrejtës. Qëndrojmë në vendimin tonë dhe do e dorëzojmë në Kuvend.”, tha Berisha.

Fraksion.com