Horoskopi ditor, e hënë 26 shtator 2022

Ky është horoskopi  për ditën e  sotme, e hënë 26 shtator 2022. Parashikimi i yjeve se si do të jetë  puna, shëndeti dhe dashuria për secilën shenjë.

Dashi

Mundohuni të shmangni sa më shumë impulsivitetin gjatë kësaj dite sepse përndryshe do dilni të humbur. Nëse jeni në një lidhje, bashkëpunimi që do keni me partnerin tuaj do jetë i adhurueshëm. Do bëni shumë veta ziliqarë, por askush nuk do mundohet t’iu bëjë keq. Ju beqarët do keni një ditë të mbushur me surpriza, njohje e mund te keni edhe ndryshime. Në punë do mbizotërojë shpirti analitik shumicën e kohës, megjithatë mirë është të bëni edhe kujdes me personat që do ju afrohen dhe do duan t’iu bëjnë miq. Financat nuk do jenë aspak të këqija. Gjithë kujdesi që keni treguar kohët e fundit do japë rezultatet e pritura.

Demi

Venusi dhe Marsi do e bëjnë jetën më intensive sot. Do ndiheni të përmbushur shpirtërisht. Nëse keni një lidhje marrëdhënia juaj me partnerin do jetë më e ngrohte edhe pse në momente të caktuara mund të ketë edhe ndonjë debat të vogël. Maturia dhe qetësia juaj do bëjë që gjithçka të kalojë pa u kuptuar. Ju beqarët nuk duhet të reshtni së joshuri sepse sot do jetë dita juaj me fat. Në punë do keni shumë ëndrra dhe do doni t’i realizoni ato sa më parë. Posti aktual nuk ju përmbush dhe do kërkoni diçka më shumë. Gjendja e të ardhurave do varet nga mënyra sesi ju do silleni me to. Po nuk i menaxhuat mirë do keni edhe probleme.

Binjakët

Do i përmbushni të gjitha detyrat që do ju kërkohen sot dhe dita ka për të qenë goxha më e mirë nga sa e prisnit. Jupiteri pritet të jetë shumë i favorshëm për jetën tuaj sentimentale. Gjithsesi jeni ju që duhet të bëni kujdes me mënyrën e të sjellit që të mos lindin konflikte. Nëse jeni beqarë do ruani distancat nga seksi tjetër sepse nuk do jeni ende gati për të krijuar një lidhje. Ju e dini mirë se çfarë do bëni. Në punë do jepni ide të reja dhe mjaft interesante në kompani. Për t’i realizuar do ju8 duhet më shumë përqendrim dhe këmbëngulje. Buxheti mund të tronditet pak sepse do shpenzoni jashtë mase.

Gaforrja

Ka mundësi që sot të bëni gjëra për të cilat keni për t’u penduar shpejt. Pranojini gabimet dhe mos ua hidhni gjithmonë fajin të tjerëve. Ju të dashuruarit do e ngrini në piedestal partnerin tuaj dhe do ua shprehni të gjithëve se jeni me fat që e keni pranë. Do bëni mirë të tregohuni pak më realistë për të shmangur zhgënjimet e mundshme. Ju beqarët do keni takime, por do duhet goxha kohë që të filloni një lidhje serioze. Jeni gati të prisni? Në punë të gjitha përpjekjet dhe mundimi që keni kaluar do japë rezultate. Dijeni që pavarësisht nga sa duket askush nuk e ka të lehtë asgjë. Duke qenë ëndërrimtarë në planin financiar do humbni një mundësi shumë të mirë për të rritur buxhetin.

Luani

Ecni me fakte sot dhe jo kuturu nëse nuk doni të gaboni. Ju të dashuruarit do jeni shumë misteriozë e të çuditshëm prandaj partneri nuk do arrijë dot t’iu kuptojë. Marrëdhënia mes jush në një moment mund të bëhet delikate. Ju beqarët do filloni më në fund lidhjen serioze që e keni ëndërruar gjithë kohës. Në punë ka mundësi t’iu realizohet një projekt i rëndësishëm të cilin e keni ëndërruar prej kohësh. Pa u sforcuar shumë gjërat do ju realizohen më së miri. Buxhetin do arrini ta menaxhoni me kujdes dhe situata në çdo moment do jetë e kënaqshme. Mund të hiqni edhe ndonjë para mënjanë.

Virgjëresha

Duke qenë të frymëzuar gjithë kohës dhe pasionantë, sot do arrini ta bëni çdo moment shumë të bukur. Nëse keni një lidhje do kaloni një ditë vërtet fantastike, aq sa ndonjëherë do ju duket sikur jeni në një ëndërr. Mund të tregoni edhe disa të fshehta që askujt nuk ja kishit treguar më parë. Nëse jeni beqarë do fiksoheni tek pamja e jashtme e disa personave pa e njohur si është në të vërtetë si tip. Në punë do dini si të ecni në rrugën që duhet dhe nuk do dekurajoheni as nga ndonjë kritikë që do ju bëjë shefi. Paratë do jenë në një gjendje më të mirë.

Peshorja

Hëna dhe Plutoni do ju bëjnë të jeni të lëkundur sot. Herë do keni dëshirë të veproni e herë do keni frikë nga dështimet. Për ju të dashuruarit gjërat kanë për të ecur më mirë. Partneri do ju bëjë komplimente dhe ju do ndiheni më të plotësuar se më parë. Ju beqarët do jeni edhe më të privilegjuar sepse yjet do krijojnë jo vetëm mjedisin, por do ju gjejnë edhe personin që do ju përshtatet në çdo aspekt. Në punë do fillojë të marrë formë një projekt i ri. Do ju dalin goxha vështirësi dhe do gjendeni në dilema, por në fund do vendosni dhe do arrini atë që doni. Në planin financiar mos luani shumë me zjarrin.

Akrepi

Gjatë kësaj dite do jeni të ndërgjegjshëm për aftësitë tuaja dhe do merrni vendime të rëndësishme. Për ju të dashuruarit e sotmja do jetë tej mase e favorshme për të marrë vendime të mëdha. Me partnerin do ndiheni më mirë se asnjëherë më parë dhe sa herë që të jeni pranë zemra do ju rrahë fort. Ju beqarët do e gjeni më në fund shpirtin binjak dhe jeta do marrë tjetër drejtim. Në punë do ju hapen perspektiva të reja dhe do keni më shumë energji e dëshirë për të ecur përpara. Fati do jetë në anën tuaj gjithë kohës. Për financat mos u qani sepse gjendja do jetë e kënaqshme.

Shigjetari

Nuk do jeni shumë të qartë për ato që doni të bëni sot dhe do stepeni në shumë momente. Nëse keni një lidhje merrini më mirë gjërat me qetësi dhe as mos kërkoni shumë nga partneri e as mos merrni masa strikte nëse ai nuk ju ofron gjithçka që doni. Bëni durim dhe prisni të kalojë kjo ditë. Ju beqarët do keni frikë të hidhni hapa edhe pse disa persona që do ju ftojnë për të dalë i njihni prej kohësh. Nuk pritet asgjë e rëndësishme sot. Në punë kushtet në të cilat do punoni do jenë goxha të mira, megjithatë nuk do keni shumë besim tek vetja. Financat do jenë të mira, megjithatë mirë është të jeni të matur me çdo shpenzim.

Bricjapi

Falë Jupiterit do jeni më të vendosur të ecni përpara sot pa menduar për ato që keni kaluar. Nëse keni një lidhje, do i harroni njëherë e mirë mosmarrëveshjet dhe do bëni gjithçka që çdo çast të jetë sa më i bukur. Sensualiteti, përkujdesi dhe qetësia do jenë virtytet që partneri do pëlqejë më shumë. Nëse jeni beqarë jetojeni jetën si t’iu vijë dhe mos mendoni çfarë do thonë të tjerët. Në punë Marsi do ju bëjë më të ndërgjegjshëm dhe do i dëgjoni me kujdes ato që do ju thonë eprorët. Sado të vështirë ta keni për të realizuar çdo gjë, duhet fillimisht të tentoni. Financat mund të përkeqësohen në mënyrë të papritur.

Ujori

Jo të gjitha dëshirat do ju plotësohen gjatë kësaj dite, por kjo nuk duhet t’iu demoralizojë. Nëse keni një lidhje, duke qenë se ajo nuk ka shkuar ashtu si ju e keni pritur, duhet të tregoheni pak më të hapur ndaj dialogut sot. Sqarojini të gjitha ato që ju kane munduar kaq shumë. Ju beqarët do keni aventura, por që nuk do sjellin atë gëzim që keni pritur. Në punë do keni të bëni me kolegë të pavendosur që do ua bëjnë çdo gjë akoma më të vështirë. Merrni guximin dhe veproni edhe vetë në një moment. Në planin financiar do keni fat, gjithsesi shmangni transaksionet e mëdha derisa gjendja të stabilizohet. Mos ndërmerrni shumë rreziqe.

Peshqit

Marsi do ju mbështesë fort gjatë kësaj dite dhe do dini përherë si të veproni. Ju të dashuruarit do kaloni momente të qeta, të qëndrueshme dhe pa asnjë lloj problemi. Zemra do ndihet shumë mirë dhe e plotësuar. Ju beqarët do kaloni një dite të gëzueshme që mund të ngjajë me një festë të vërtetë. Më në fund dëshirat tuaja më të mëdha do plotësohen. Në punë do ndodhin disa gjëra që do ju bëjnë të dilni nga vetja e të bëni gabime. Do ua hidhni fajin kolegëve kur në fakt faji më i madh është juaji. Në planin financiar nuk do jetë nevoja të bëni kufizime apo përpjekje të mëdha pasi do jenë yjet ata që do mendojnë për t’ua lehtësuar gjërat.

 

Fraksion.com