Horoskopi ditor, e mërkurë 14 shtator 2022

Ky është horoskopi  për ditën e sotme, e mërkurë 14 shtator 2022. Parashikimi i yjeve se si do të jetë  puna, shëndeti dhe dashuria për secilën shenjë.

Dashi

Për shkak të dëshirës së madhe për të arritur të gjitha objektivat sot mund të bëheni edhe irritues. Nëse keni një lidhje mos ja hidhni fajin partnerit për gjërat që nuk do ju ecin mirë sepse ai nuk do durojë shumë. Disa debate të vogla mund të mjaftojnë për të shkatërruar atmosferën e ngrohtë që ishte krijuar. Nëse keni një lidhje nuk do druheni aspak të bëni deklarata të forta edhe pse mund të keni dyshime se do refuzoheni. Në punë do kaloni një ditë “lufte”. Asgjë nuk do jetë e lehtë për t’u arritur dhe do keni kundër edhe kolegët. Në planin financiar sado të mundoheni nuk do arrini dot ta mbani situatën të qëndrueshme.

Demi

Mërkuri do ju bëjë ambiciozë dhe të pandalshëm sot, vetëm bëni kujdes që të mos shkelni mbi tjetrin për të arritur atë që dëshironi. Nëse keni një lidhje duhet ta lini veten të lirë dhe të argëtoheni ashtu si do ju vijë. Mos e kufizoni veten për asgjë. Nëse ende jeni beqarë filloni të joshni me maturi dhe gjeste delikate sepse ashtu do keni sukses. Në punë do jetë Marsi ai që do iu japë energjinë e duhur dhe ide fantastike për të përmbyllur me sukses çdo gjë. Paratë do jenë edhe më të mira nga sa i kishit parashikuar.

Binjakët

Ambicia do jetë më e madhe për ju gjatë kësaj dite dhe nuk do ndaleni asnjë çast. Nëse keni një lidhje nuk do lejoni që disa persona të huaj t’iu prishin harmoninë. Nga ana tjetër do keni edhe ide brilante si të kaloni edhe çaste romantike me partnerin. Kënaqësia do jetë gjithnjë në rritje. Nëse jeni beqarë do preferoni ta jetoni jetën si t’iu vijë pa bërë gjëra me ngulm. Në punë do keni shumë besim tek vetja dhe gjërat do ecin më së miri në çfarëdo fushë që të veproni. Buxheti do jetë goxha më i mirë se disa ditë më parë kështu që mund t’i lejoni vetes edhe disa investime.

Gaforrja

Kjo ditë nuk ka për të qenë shumë e mirë dhe shqetësime më të mëdha do iu japë sektori i financave. Nëse keni një lidhje, shijojeni çdo moment të qetë dhe pa debate sepse jo gjithmonë ka për të qenë kështu. Pasdite ka rrezik që tensioni të shtohet. Nëse jeni beqarë, nuk do ndieni lodhje dhe nuk do ndaleni së kërkuari në çdo cep dashurinë e madhe. Ka rrezik të mos jeni me shumë fat sot. Në punë mund të ketë surpriza të pakëndshme. Mundet t’iu pushojnë, por edhe mund të largoheni vetë për një arsye madhore. Financat nëse nuk i lini në dorën e specialistëve do përkeqësohen pambarimisht.

Luani

Sot do e lini mënjanë kokëfortësinë dhe inatin dhe do jeni shumë më të butë. Kjo sjellje do e përmirësojë marrëdhënien me të gjithë. Nëse keni një lidhje, gjërat mes jush dhe partnerin do përmirësohen tej mase. Do afroheni më shumë dhe në mbrëmje do mendoni të dyja palët të bëni gjëra të veçanta. Ju beqarët do ja hapni zemrën personin që ka kohë që iu josh dhe do filloni të ndieni diçka shumë të bukur. Në punë gjërat do ecin për mrekulli. Nëse jeni në kërkim të një posti shihni njoftimet në mbrëmje sepse do e gjeni atë që keni ëndërruar. Paratë do mbeten në gjendje të mirë falë përkujdesit të treguar së fundmi.

Virgjëresha

Saturni do ju bëjë të paduruar dhe nevrikë sot çka mund ta ndërlikojë situatën në shumë momente. Nëse jeni në një lidhje nuk do arrini dot të ruani një marrëdhënie shumë të ngrohtë me partnerin sepse do dëgjoni fjalët e bitis që do ju flasin keq. Gjeni një moment për të folur qetësisht sa më parë sepse përndryshe gjithçka e bukur që keni ndërtuar do shkatërrohet. Nëse jeni beqarët do jeni të palogjikshëm dhe mund të hidhni shikimin atje ku nuk duhet. Jeta juaj do ndërlikohet edhe më tepër. Në punë pavarësisht pengesave do jeni produktivë dhe do mblidhni ato që keni mbjellë. Për financat fatmirësisht do keni mbështetjen e të afërmve.

Peshorja

Sot do zhgënjeheni pasi do e kuptoni se shumë kanë përfituar nga bujaria juaj. Më mirë merrni masa sa më parë edhe pse mund t’iu duken të ashpra. Nëse keni një lidhje do e shprehni shumë dashurinë që keni në zemër, por për fat të keq nga pala tjetër nuk do merrni të njëjtën gjë. Kjo do ju mërzitë dhe mund t’iu bëjë edhe pak agresivë. Nëse jeni beqarë vetëm në mëngjes mund të keni disa takime, por edhe ato nuk priten t’iu sjellin ndryshime të jashtëzakonshme. Në punë do ndiheni më të bindur për hapat që duhet të hidhni dhe nuk do ndaleni pavarësish xhelozisë dhe rivalitetit. Në planin financiar do bëni të pamundurën për të ruajtur kontrollin.

Akrepi

Kjo do jetë një ditë e përkryer për ju. Lëreni veten të lirë, hapeni zemrën dhe provoni gjëra të reja. Nëse keni një lidhje ka mundësi që partneri t’iu surprizojë herë pas here dhe shumë do bëhen xhelozë për fatin që ju ka rënë. Tregojini edhe ju atij sa shumë e dashuroni. Ju beqarët do e tregoni talentin sportiv dhe me anë të tij do tërhiqni më shumë vëmendjen. Në punë priten ndryshime, por jo shumë pozitive. Tregohuni të gatshëm të tentoni për çdo gjë edhe sikur në një moment të gaboni. Gjendja financiare ka për të pasur goxha përmirësime dhe kjo falë masave shumë të mira që keni marrë së fundmi.

Shigjetari

Dielli do iu japë ide praktike sot për të arritur ato që dëshironi. Do iu jepni edhe mbështetje personave që iu rrethojnë. Nëse keni një lidhje do jeni me humor më të mirë dhe do e shihni me sy tjetër partnerin. Ndryshe nga disa ditë më parë ai do ju duket më tërheqës dhe më i mirë në çdo aspekt. Ju beqarët duhet t’i përshpejtoni pak gjërat nëse ju ka pëlqyer dikush sepse në të kundërt dikush tjetër do tregohet më i shkathët. Në punë të gjithë kolegët do kenë besim tek ju dhe do ju zgjedhin si drejtues të një projekti. Në planin financiar do jeni shumë të logjikshëm dhe nuk do bëni gabime.

Bricjapi

Të shumtë do jene ata që do ju vihen kundër sot, por armatura juaj do jetë e fortë dhe askush nuk do mund t’iu rrëzojë. Nëse jeni në një lidhje kujdes me xhelozinë e tepruar sepse do e largoni edhe më shumë nga vetja partnerin. reflektoni dhe qetësohuni sepse asgjë nuk është ashtu si mendoni. Nëse jeni beqarë mundet të keni edhe dashuri me shikim të parë sot vetëm se duhet të dilni më shumë. Në punë çdo gjë do jetë e qartë dhe do dini të hidhni hapat e duhura. Nuk do ja falni vetes gabimet prandaj do reflektoni para se të hidhni hapa. Gjendja e financave do përmirësohet akoma më shumë kështu që shpenzoni pa frikë për gjërat e nevojshme.

Ujori

Venusi do ju bëjë të parrezistueshëm sot dhe do keni vëmendjen e të gjithëve në çdo fushë. Nëse keni një lidhje partneri do iu joshë dhe do ju bëjë të mos harroni kurrë këtë ditë. Në disa raste do ju duket sikur zemra do ju dalë nga vendi falë gëzimit të madh që do përjetoni. Edhe ju beqarët do i keni të gjitha aftësitë për të joshur këdo që do dëshironi. Në punë do jeni goxha të ngarkuar edhe për shkak të pushimeve që kanë marrë disa kolegë, megjithatë shefat do ju inkurajojnë dhe do ju përgëzojnë për çdo gjë që keni arritur. Në planin financiar pritet një përmirësim i vogël.

Peshqit

Hëna do ju shtojë edhe më shumë dëshirën për t’ia mbathur sot. Mund të keni nevojë edhe për pak kohë pushimi e reflektimi. Nëse jeni në një lidhje pëshpëritini atij në vesh dëshirat që keni dhe do e shihni që ai do mundohet t’ua plotësojë me çdo kusht. Për ju mund të lërë pas dore çdo gjë tjetër. Ju beqarët do jeni kërkues dhe nuk do bindeni nga personat që do iu afrohen. Në punë do jeni kompetentë dhe do keni talentin e madh për t’ua mbushur mendjen të tjerëve se keni bërë çdo gjë në rregull. Provokimeve as nuk do ua vini veshin fare. Paratë do jenë të mjaftueshme për nevojat kryesore kështu që mos merrni hua për të blerë gjëra qejfi.

 

Fraksion.com