“Bllokimi i mbrojtjes ajrore S-300, një akt armiqësor”; Mediat greke: Erdogan ia del të provokojë sërish

Presidenti i Turqisë, Rexhep Tayyip Erdogan ka reaguar serish me tonë të larta ndaj Greqisë.

I ndalur tek një incident që sipas Turqisë ka ndodhur disa ditë më parë në Egje, me bllokimin e avionëve turq, Erdogan thotë se ishte një akt armiqësor.

Sipas Erdogan Greqia mund të provokojë NATO-n dhe aleatët e saj, por jo dhe Turqinë.

Më tej ai shtroi pyetjen se si Greqia provokoi NATO-n dhe aleatët e saj duke bllokuar avionët turq në një mision zbulimi të NATO-s me sistemet greke të mbrojtjes ajrore.

Media greke shkruajnë se presidenti turk përshkallëzoi retorikën e tij kundër Greqisë duke u shprehur: “Greqia nuk është ekuivalenti apo bashkëbiseduesi ynë politik, ekonomik apo ushtarak”.

Fjalimi i presidentit turk u mbajt me rastin e 100-vjetorit të “Ditës së Fitores” kundër trupave greke në luftën e viteve 1919-1922.

Fraksion.com