Pilotët zihen me grushte gjatë fluturimit, pezullohen nga puna!
Një ngjarje e pazakontë ka ndodhur në një avion të linjës Air France. Mediat e huaja raportojnë se dy pilotët janë zënë gjatë fluturimit me shpulla dhe grushte, duke degjenuar në një sherr të vërtetë.
Mësohet se dy pilotët kishin filluar të debatonin për arsye të kota. Menjëherë pas ngritjes, njëri nga pilotët dyshohet se e ka goditur tjetrin pas një debati. Por nga shuplakat, ata do të kalonin më pas te goditja e njëri-tjetrit me valixhet e tyre.
Më pas ka konfirmuar se ka pasur një polemikë me një shkëmbim “gjestesh të papërshtatshme”, por ka saktësuar gjithashtu se mosmarrëveshja ka zgjatur për pak momente dhe se nuk ka ndikuar në sigurinë e pasagjerëve.
Pilotët e përfshirë në përleshjen në kabinë janë pezulluar dhe aktualisht janë nën hetim, siç shpjegohet në raportin e Autoritetit Francez të Hetimit të Sigurisë së Aviacionit Civil.
Rikujtojmë, se një fluturim i avionit Jet2 u detyrua të bënte një ulje emergjente në Greqi pasi pilotit thuhet se i ra të fikët. Sipas Daily Mail, fluturimi ishte nisur nga Britania e Madhe për në Turqi më 23 gusht kur urgjenca mjekësore çoi në një ndalesë të paplanifikuar që vonoi pasagjerët me mbi 8 orë.
Të gjithë pasagjerët vunë re një zhurmë në pjesën e përparme të aeroplanit, kur ata e kuptuan se diçka kishte shkuar keq.
Fraksion.com
