Horoskopi ditor e martë 2 gusht 2022

Ky është horoskopi  për ditën e sotme, e martë 2 gusht 2022. Parashikimi i yjeve se si do të jetë  puna, shëndeti dhe dashuria për secilën shenjë.

Dashi

Yjet do ju inkurajojnë të ecni përpara gjatë kësaj dite pavarësisht sfidave që do ju dalin para. Mundohuni të jeni edhe pak më kreativë. Nëse keni një lidhje, rutina ka rrezik të shkaktojë shumë probleme. Do mërziteni shpesh dhe ka rrezik ta kërkoni diku tjetër lumturinë. Ju beqarët do jeni të turpshëm dhe nuk do guxoni t’ua shprehin ndjenjat atyre që do pëlqeni. Në punë do bëni pak më shumë përpjekje se zakonisht dhe do arrini që t’i bëni të tjerët të flasin për ju. Origjinaliteti dhe thjeshtësia do jene virtyte vërtet të çmuara. Për financat do jetë një ditë goxha e vështirë. Mundohuni të ulni sa të mundni të gjitha shpenzimet të paktën për disa kohë.

Demi

Për shkak të ndikimit shumë negativ të Diellit dhe Hënës, dita juaj ka për të qenë shumë e tensionuar. Do jeni të paduruar dhe nuk do pranoni asnjë lloj shakaje. Ju të dashuruarit do keni shumë trazira në jetën tuaj dhe herë pas here do ndiheni keq. Mundohuni të tregoheni disi më tolerantë dhe më të hapur. Ju beqarët do tregoheni posesive dhe do bëni gabime të pafalshme. Në punë do jeni të pasigurt në shumë momente dhe do keni frikë të hidhni hapa. Kjo pavendosmëri ka për t’iu lënë shumë mbrapa. Në planin financiar ka rrezik të bëni gabime të pafalshme dhe gjendja sa do vijë e do përkeqësohet.

Binjakët

Gjatë kësaj dite do jeni shumë largpamës dhe të gatshëm për të bërë gjëra ndryshe nga më parë. Ju që keni një lidhje, më në fund do e largoni monotoninë dhe banalitetin që dukej sikur po iu mbyste. Si ju ashtu edhe partneri do preferoni të provoni eksperienca të reja. Ju beqarët do ndiheni mirë ashtu si jeni dhe nuk do kërkoni me ngulm një lidhje. Në punë Saturni dhe Neptuni do ju bëjnë të matur, të organizuar dhe të përgjegjshëm. Shefat do kenë besim të plotë dhe do ju lënë në dorë një detyrë me shumë rëndësi. Të ardhurat do dobësohen, megjithatë do arrini t’i kryeni shpenzimet më të domosdoshme.

Gaforrja

Pa pasur asnjë vështirësi, sot do arrini të gjeni zgjidhje për problemet dhe do ndiheni më të qetë. Marsin dhe Saturnin do i keni planetë udhëheqës. Nëse keni një lidhje duhet patjetër t’i shprehni më tepër ndjenjat në mënyrë që partneri ta kuptojë sa shumë e dashuroni. Po e latë atë pas dore, mund të kërkojë dikë tjetër dhe do ju zëvendësojë. Ju beqarët do keni njohje shumë interesante dhe do filloni një etapë të re. Në punë fillimi i ditës do ju duket paksa më i vështirë. Do iu jepet një detyrë e re dhe nuk do dini nga t’ia filloni. Gjithsesi me kalimin e orëve gjërat do normalizohen. Financat do i vendosni në plan të parë dhe do përkujdeseni gjithë kohës që ato të mbeten të mira.

Luani

Dielli do ua ndriçojë disi idetë sot dhe do jeni më të qartë për gjërat që duhet të bëni. Po të tregoheni edhe pak më optimistë do jetë akoma më mirë. Ju të dashuruarit do jeni shumë të ndjeshëm ndaj kritikave që do ju bëjë partneri dhe do mërziteni mjaft. Duhet të kuptoni që ai gjithçka e bën për të mirën tuaj. Ju beqarët do vazhdoni të keni të njëjtën rrjedhë pa ndonjë ndryshim të rëndësishëm. Në punë do iu jepen mundësi ta tregoni veten sa të aftë jeni, por duhet të përfitoni. Mos prisni përherë ndihmë nga të tjerët. Në planin financiar kontrolloni njëherë buxhetin para se të kryeni çfarëdo lloj shpenzimi. Kështu do mbroni veten.

Virgjëresha

Për shkak të turbullirave yjore, jeta juaj nuk ka për të qenë shumë e mirë. Do keni goxha ide negative që do ju bëjnë pesimistë. Nëse keni një lidhje mos bëni gabim të filloni aventura me persona të tjerë. Po gabuat, jo vetëm që do shkatërroni gjithçka që keni ndërtuar deri më sot, por nga ana tjetër do lëndoheni tej mase. Ju beqarët do keni tërheqje fizike ndaj disa personave, por nuk do keni guxim t’ua shprehni. Në punë ka mundësi të tregoheni të padrejtë me disa kolegë dhe keni për ta vuajtur këtë gjë. Ai të cilit keni dashur t’i bëni keq do marrë një post që ju e keni ëndërruar gjatë. Në planin financiar do kryeni shpenzime të pamenduara dhe gjendja do mbetet delikate.

Peshorja

Ka mundësi që planetët t’iu shtyjnë drejt gabimeve gjatë kësaj dite. Do tregoheni të palogjikshëm pa e ditur se do jeni ju që do përballeni me pasojat. Nëse jeni në një lidhje do keni disa debate të vogla, por gjithçka do zgjidhet më shpejt nga sa mendonit. Do i kuptoni gabimet dhe do kërkoni falje. Ju beqarët më në fund do filloni një histori dashurie të qëndrueshme dhe plot emocione. Në punë ka mundësi t’iu vjedhin idetë ose një objekt të çmuar. Pasi t’i kapni në flagrancë do ju kërkojnë falje në gjunjë dhe do turpërohen. Nga shpërqendrimi do mbeteni mbrapa me punët e nisura. Në planin financiar ka rrezik të përballeni me katastrofa nëse nuk bëni kujdes dhe nuk shpenzoni pa mbarim.

Akrepi

Gjatë kësaj dite as vetë nuk do dini çfarë doni dhe shpesh do gjendeni në mëdyshje. Nëse nuk jeni të bindur më mirë mos hidhni hapa të mëdha. Ju të dashuruarve do ju ndryshojë shpesh humori dhe do keni probleme të njëpasnjëshme me partnerin tuaj. Nuk do hapni rrugë për asnjë moment. Ju beqarët nuk do keni fat në dashuri dhe do vazhdoni të mbeteni vetëm. Do ju duhet ende të prisni edhe pak kohë për ndryshime të statusit. Në punë nuk do merrni shumë kënaqësi nga rezultatet që do arrini dhe do ju duket vetja më pa vlerë. Mos u dorëzoni asnjë moment dhe kërkoni ndihmë nga të afërmit. Financat do kenë probleme serioze. Vetëm specialistet do ju ndihmojnë kështu që kërkoni ndihmë sa më parë.

Shigjetari

Herë pas here nuk do ndiheni mirë gjatë kësaj dite duke menduar për ato që doni të keni në jetë, megjithatë pas disa minutave reflektimi do mendoni se keni shumë më shumë se të tjerët dhe nuk duhet të ankoheni. Jeta sentimentale për ju që keni një lidhje do jetë përgjithësisht e ngrohtë dhe e mbushur me emocione. Do tregoheni më tolerantë me atë që keni në krah dhe nuk do i mbani inate njëri- tjetrit. Ju beqarët do jeni sharmantë dhe joshës. Të shumte do jenë personat që do iu ngacmojnë, por asnjeri nuk do jetë i përshtatshëm sa duhet. Në punë do jeni si një elektron i lirë dhe do bëni gjithçka që dëshironi sipas mënyrës tuaj. Rëndësi ka që rezultatet do jenë të mira. Financat më në fund do ekuilibrohen dhe nuk do keni probleme.

Bricjapi

Gjatë kësaj dite do mendoheni më gjatë dhe do bëni një analizë të gjërave që ju kanë ndodhur. Do kuptoni disa gabime dhe nga ana tjetër do ndiheni krenarë për disa arritje. Jeta sentimentale për ju që keni një lidhje do jetë e mrekullueshme. Do harxhoni shumë kohë për atë që keni në krah dhe do ia kaloni më së miri në praninë e njëri-tjetrit. Ju beqarët do keni njohje të reja, por nuk do arrini dot të hidhni hapat e para drejt një lidhjeje. Askush nuk do iu duket mjaftueshëm i përshtatshëm. Në punë do keni diskutime të gjata me disa kolegë para se të merrni vendime të rëndësishme. Perspektivat gjithsesi duken të mira. Financat do jenë delikate për shkak të shpenzimeve marramendëse që do bëni.

Ujori

Ditë goxha energjike do jetë kjo e sotmja për ju. Do merrni edhe vendime të mëdha që mund t’iu orientojnë atje ku duhet. Marrëdhënia në çift do jetë e mrekullueshme. Shumë gjëra do sqarohen njëherë e përgjithmonë dhe do e shihni të ardhmen me një sy tjetër. Ju beqarët do lodheni pak se kërkuari, por në fund do e gjeni personin i cili do ju përshtatet në çdo pikë. Në punë vërtet nuk do jeni shumë rehat në disa momente, por ama gjithë ndryshimet që do ndodhin do jenë në favorin tuaj. E ardhmja do jetë shumë herë më e ndriçuar. Në planin financiar do e kaloni periudhën delikate në të cilën ishit futur dhe do merrni frymë më lirisht.

Peshqit

Ka shumë gjasë që sot të çliroheni njëherë e mirë nga disa pengje të së shkuarës dhe gjërat do jenë më të qeta. Nëse keni një lidhje tregohuni të matur kur të flisni me partneri tuaj sepse në të kundërt mund të bëni gabime të cilat ai nuk do mund t’ua falë dot. Ju beqarët do jeni të lire të bëni çfarë të doni, por në fakt mundësitë për të krijuar një lidhje serioze do jenë të pakta. Në punë do ju mungojë paksa përvoja dhe nuk do mund të arrini dot rezultatin e shumë kërkuar. Mos u druani të kërkoni ndihmë. Fale ndikimit të planetëve, perspektivat financiare do jenë goxha më të mira. Do ndiheni tërësisht të qetë.