Kjo është nëna e 2 vajzave që prej tre ditësh rezulton e zhdukur

E reja që shihni në foto është 30-vjeçarja nga Durrësi që është larguar para tre ditësh nga shtëpia dhe familjarët e saj nuk kanë asnjë dijeni për vendndodhjen e saj.

Gazetarja Klodjana Haxhiaj raporton për BalkanWeb se prej dy ditësh, nëna e dy vajzave, E.D. ka humbur kontaktet me familjarët.

30-vjeçarja është larguar të hënën, datë 25 korrik, në orën 08.00, dhe që nga ajo ditë, familjarët dhe të afërmit nuk kanë mundur të lidhen me të.

Bashkëshorti i saj ka bërë denoncimin përkatës në polici dhe forcat e rendit kanë nisur punën për lokalizimin e saj dhe rikthimin pranë familjes.

“Më datë 25.07.2022, në Komisariatin e Policisë Durrës, ka kallëzuar shtetasi T. D. se është larguar nga banesa bashkëshortja e tij, shtetasja E. D., 30 vjeçe, dhe nuk është kthyer më. Po punohet për gjetjen e saj.”, njoftoi më herët policia. 30-vjeçarja, në momentin që është larguar nga shtëpia kishte veshur pantallona të bardha dhe një bluzë të zezë. Kushdo që mund të ketë informacion për vendndodhjen e saj të kontaktojë në numrat e telefonit 069 24 67 605 dhe 069 20 50 608.

Fraksion.com