Meta viziton për herë të fundit Kosovën; Përshëndet nga Prishtina me simbolin e shqiponjës

Presidenti Ilir Meta ndodhet për një vizitë zyrtare në Kosovë, e cila do të jetë edhe e fundit në cilësinë e kreut të shtetit. Pasi nga presidentja e Kosovës Vjosa Osmani, kreu i shtetit shqiptar ka përshëndetur nga Prishtina e simbolin e shqiponjës.

Pasi u prit me ceremoni shtetërore dhe pas intonimit të himneve shtetërore, Meta gjatë kalimit para gardës ceremoniale bëri edhe simbolin e shqiponjës. “Shqipëria dhe Kosova, gjithmonë pranë njëra-tjetrës! 🇦🇱❤️🇽🇰”, shkruan Meta në rrjetet sociale.

Pas takimit, dy presidentët pritet që të mbajnë konferencë për media. Vizita e fundit si president e Metës në Kosovë, ka nisur dje dhe do të vijojë edhe sot. Meta po e përfundon mandatin e tij duke ia lënë vendin Bajram Begajt.

Fraksion.com