Kryetari i Komitetit Ushtarak të NATO-s në Bosnje dhe Hercegovinë, diskutime mbi sigurinë rajonale
Më 19-20 korrik 2022, Kryetari i Komitetit Ushtarak të NATO-s, Admirali Rob Bauer vizitoi Bosnjën dhe Hercegovinën, ku u takua me anëtarët e Presidencës, ministrin e Mbrojtjes, z. Sifet Podzic dhe shefin e mbrojtjes, gjenerallejtënant Senad Mašovic . Ai vizitoi gjithashtu Shtabin e Brigadës së Mbështetjes Taktike, Agjencinë e Inteligjencës dhe Sigurisë dhe Selinë e NATO-s në Sarajevë.
Pas një Ceremonie Nderimi zyrtar, Kryetari i Komitetit Ushtarak të NATO-s, admirali Bauer u ul në bisedime me shefin e Mbrojtjes së Bosnjës, gjenerallejtënant Senad Masović. Diskutimet u fokusuan në mjedisin e sigurisë rajonale, konfliktin e vazhdueshëm në Ukrainë dhe rezultatet e Samitit të fundit të NATO-s në Madrid. Admirali Bauer u takua më pas me ministrin e Mbrojtjes Podzic. “NATO dhe Bosnja dhe Hercegovina kanë një partneritet afatgjatë dhe reciprokisht të dobishëm, të bazuar në dialogun konstruktiv, respektin reciprok dhe bashkëpunimin praktik. Së bashku kontribuojmë në stabilitetin dhe sigurinë në Ballkanin Perëndimor”, theksoi admirali Bauer.
Më vonë, admirali Bauer u drejtua në Agjencinë Boshnjake të Inteligjencës dhe Sigurisë, e ngarkuar me monitorimin e situatës së vazhdueshme të sigurisë në rajon, si dhe kërcënimet e mundshme të sigurisë ndaj vendit, duke përfshirë terrorizmin, spiunazhin dhe krimin e organizuar. Kryesuesi më pas vizitoi Shtabin e Brigadës së Mbështetjes Taktike të Bosnjës, ku takoi komandantin e saj, kolonelin Jasmin Čajić dhe mori pjesë në një prezantim të aftësive operacionale. “Ne jemi mirënjohës për kontributet e vazhdueshme të Bosnjë dhe Hercegovinës për sigurinë tonë të përbashkët euroatlantike, për shembull, duke kontribuar me trupa në misionet e NATO-s; duke trajnuar trupat e NATO-s dhe Partnerëve gjatë stërvitjes vjetore të gatishmërisë ndaj fatkeqësive; dhe ofrimin e njësive të specializuara për asgjësimin e mjeteve shpërthyese dhe Policisë Ushtarake për Forcën e Reagimit të NATO-s”, shtoi Kryesuesi.
Programi përfundoi me një vizitë në selinë e NATO-s në Sarajevë, misioni kryesor i së cilës është të këshillojë dhe ndihmojë të gjitha institucionet dhe autoritetet e Bosnjë-Hercegovinës mbi reformën e sektorit të mbrojtjes dhe sigurisë dhe aktivitetet e Partneritetit për Paqe të NATO-s (PfP). Në takimin me komandantin e saj, gjeneralbrigade Pamela McGaha, admirali Bauer nënvizoi rolin e rëndësishëm që luan Shtabi në rajon. “Misioni i NATO-s në BiH sot është ai i bazuar në partneritet. Ndërsa marrëdhëniet e NATO-s me BiH kanë ndryshuar me kalimin e kohës, angazhimi ynë për të ndihmuar në sjelljen e paqes, sigurisë dhe prosperitetit në rajon nuk ka ndryshuar”, theksoi admirali Bauer.
Fraksion.com
