Tanket ruse në Pragë ngjallin pikëllim e kureshtje

Ekspozita e gjashtë automjeteve ushtarake ruse të dëmtuara gjatë pushtimit të Ukrainës do të hapet zyrtarisht nga kryebashkiaku i Pragës, Zdenek Hrib.

Brendësia e një rakete lëshuese Buk e ekspozuar në Parkun Letna të Pragës.

Ekspozita, e titulluar “Ukraina – mburoja e Evropës”, u organizua nga Ministria e Mbrojtjes e Ukrainës dhe degët e tjera të qeverisë dhe u përkrah nga bashkia e qytetit të Pragës. Ekspozita pason një të tillë të ngjashme në natyrë të makinave ruse të luftës në Varshavë.

Një burrë ukrainas që mban një byzylyk me ngjyrat e flamurit të vendit të tij, qan mbështetur në një automjet vetëlëvizës mortajash, Khosta. Ai nuk pranoi të flasë për mediat.

Një parullë kundër luftës e varur në një bllok apartamentesh me pamje kah automjetet ruse në Pragë.

Ilya Kuchynskiy, një vullnetar ukrainas dhe anëtar i forcave të mbrojtjes territoriale të vendit, i cili po përgatiste ekspozitën për hapjen e saj më 11 korrik, i tha Radios Evropa e Lirë se ekspozita kishte për qëllim “t’u kujtonte njerëzve se lufta nuk është aq larg sa mendojnë ata. Ne nuk do të qëndrojmë, Republika Çeke është një nga të tjerat. Dhe të jeni të sigurt, [Rusia] nuk do të ndalet”.

Vizitorët e hershëm të ekspozitës shikojnë një mortajë vetëlëvizëse Khosta.

Ministri ukrainas i Mbrojtjes, Oleksiy Reznikov, ka bërë thirrje që armët ruse të kapura të ekspozohen në kryeqytete të tjera evropiane, duke përfshirë Berlinin, Lisbonën, Madridin dhe Parisin, për ta mbajtur luftën në vëmendjen e njerëzve, edhe pse interesi i mediave ka filluar të zbehet.

Matës në frëngjinë e një tanku T-90A.

David, një entuziast ushtarak çek, i cili po vizitonte ekspozitën më 11 korrik, tha se ai pati mundësinë të shihte armatimin modern rus brenda një vendi të NATO-s, por u prek nga tragjedia njerëzore që ndoshta përfaqësonin makineritë.

“Kam kaluar dy vjet në një akademi ushtarake, kështu që nuk mund të mos mendoj për ushtarët që ishin brenda automjeteve. Ndoshta ata mbijetuan, ndoshta jo”, tha ai.

7Raketa dhe pjesë të tyre të ekspozuara në Pragë.

8Një pajisje optike vëzhgimi brenda frëngjisë së një tanku rus T-90A. Në të majtë është logoja e Thales, një kontraktor i mbrojtjes, pjesërisht në pronësi të Qeverisë franceze. Një tjetër pajisje e markës Thales shihej brenda rezervuarit.

Një djalë duke shikuar poshtë tytës së një obusi vetëlëvizës MSTA-S.

Një tufë bari i thatë nga fushëbetejat e Ukrainës shihet në një automjet rus.

11Fëmijët duke shikuar një raketë-lëshuese Buk. Në sfond është tyta e një mortaje vetëlëvizëse Khosta.

12Një pllakë me numrat serikë të një rakete lëshuese Buk.

13Një burrë duke qarë pranë një mortaje vetëlëvizëse Khosta.

14Rreshtimi i makinave luftarake ruse për ekspozitë.

Ekspozita në Pragë do të zgjasë deri më 24 korrik./ REL