Horoskopi ditor, e hënë11 korrik 2022

Ky është horoskopi  për ditën e sotme,e hënë11 korrik 2022. Parashikimi i yjeve se si do të jetë  puna, shëndeti dhe dashuria për secilën shenjë.

Dashi

Mirë është që gjatë kësaj dite të bëni një bilanc për jetën tuaj e më pas të merri edhe vendime. Nëse keni një lidhje mos u tregoni të paduruar dhe mos kërkoni gjëra të pamundura nga partneri. Po qëndruat me këmbë në tokë do kaloni një ditë më të mirë. Ju beqarët do merrni deklarata fantastike dhe nuk do i rezistoni dot tundimit për të filluar një lidhje. Në punë duhet që herë pas here të bëni edhe disa lëshime. Mos u tregoni egoistë dhe mendjemëdhenj sepse do dilni të humbur. Në planin financiar do përballeni me goxha probleme dhe vetëm specialistët mund t’iu ndihmojnë të gjeni zgjidhje.

Demi

Mos lejoni që dyshimet t’iu pengojnë të hidhni hapa gjatë kësaj dite sepse keni për t’u penduar përgjithmonë. Për ju të dashuruarit është momenti i duhur për të marre vendime të rëndësishme. Po i shtytë ende gjërat situata mund t’iu dalë edhe jashtë kontrollit. Nëse jeni beqarë duhet të besoni tek vetja dhe ta joshni ashtu siç dini atë që pëlqeni. Me shumë gjasë do ia arrini qëllimit përfundimtar. Në punë mos u dorëzoni menjëherë, por shkojuni deri në fund objektivave. Vështirësitë që ju kishin dalë në planin financiar do arrini t’i zgjidhni falë mbështetjes së të afërmve.

Binjakët

Do ndiheni edhe më të përmbushur gjatë kësaj dite dhe do e shihni të ardhmen me më shumë optimizëm. Për ju të dashuruarit e sotmja do jetë shumë e rëndësishme. Do merrni vendime përfundimtare të cilat do ua ndryshojnë jetën. Ju beqarët sado që të mundoheni nuk do e gjeni dot personin që do iu përshtatet në çdo pikë. Në punë do kënaqeni me përgëzimet që do merrni dhe do ju shtyjnë të kërkoni edhe më tepër nga vetja. Me këmbëngulje dhe guxim keni për të arritur shumë lart. Në planin financiar fati do jetë në anën tuaj dhe gjendja do stabilizohet akoma më shumë nga sa e kishit menduar.

Gaforrja

Gjatë kësaj dite do ndieni një nevojë të jashtëzakonshme për t’i bërë gjërat ndryshe. Me ndihmën e të afërmve do i realizoni dëshirat. Për ju të dashuruarit e sotmja do jetë fantastike. Shprehini të gjitha dëshirat sepse partneri do jetë i gatshëm t’ua plotësojë ato. Nëse jeni beqarë, edhe pa bërë asgjë do mund ta gjeni princin tuaj të kaltër dhe do filloni një lidhje të qëndrueshme. Në punë, edhe sikur të mos ju pëlqejë pozicioni që keni, nuk duhet të bëni zhurmë. Prisni dhe pak dhe gjithçka do ju ndryshojë për mirë. Financat do jenë goxha të mira, kështu që mund të përfitoni për të kryer ndonjë investim më tepër se zakonisht.

Luani

Përgatituni për një ditë të jashtëzakonshme sot. Si dashuria, ashtu edhe miqësia, puna dhe paraja do ju ecin më së miri. Nëse keni një lidhje, jeta juaj sentimentale do jetë e mbushur me kënaqësi dhe emocione. Do zbuloni edhe disa karakteristika të reja të partnerit, të cilat do ju bëjnë ta dashuroni me më shumë pasion atë. Ju beqarët do doni ta ndryshoni sa më shpejt statusin tuaj dhe ka rrezik të bëni gabime duke nxituar. Në punë projektet do marrin formë dhe do ndiheni më të qetë se më parë. Ja që durimi të nxjerr në dritë. Në planin financiar keni për te pasur fat me shumicë.

Virgjëresha

Ka mundësi që Hëna dhe Plutoni t’iu bëjnë të humbisni kontrollin gjatë kësaj dite. Nëse jeni në një lidhje mund të keni edhe momente delikate, por në tërësi gjërat kanë për të ecur goxha mirë. Mes jush nuk do ketë as probleme. Ju beqarët nuk do doni të bëni asnjë lloj ndryshimi në jetën tuaj sepse edhe ashtu ndiheni për mrekulli. Në punë, një bashkëpunëtor i vjetër do ju bëjë një propozim interesant që duhet ta mendoni me kujdes. Mos jepni përgjigje të menjëhershme. Buxhetin do dini gjithmonë si ta menaxhoni kështu që gjendja do jetë e kënaqshme në çdo moment.

Peshorja

Jupiteri do iu japë mundësinë të konkretizoni projektet gjatë kësaj dite dhe do ju bëjë më të duruar. Nëse keni një lidhje, marrëdhënia juaj me partnerin do thellohet edhe më tepër. Do i harroni të gjitha problemet që keni pasur dikur dhe do e shihni botën me një sy tjetër. Ju beqarët nuk do keni fat në dashuri kështu që do jetë e kotë që të tentoni të joshni. Jeta profesionale ka për të qenë më e kënaqshme nga sa kishit menduar. Do jeni gjithë kohës të motivuar dhe të gatshëm për sfida. Saturni do ua qartësojë mendimet në planin financiar dhe nuk do hidhni asnjë hap të nxituar në këtë sektor. Gjendja do mbetet e mirë.

Akrepi

Do ngrini shumë pikëpyetje sot për të kaluarën dhe për të ardhmen dhe do bini në mendime të thella. Nëse keni një lidhje mundohuni të jeni sa më të arsyeshëm dhe në asnjë mënyrë të mos kërkoni gjëra të pamundura nga partneri. Nëse e bëni do zhgënjeheni vetë dhe do e bëni tjetrin të ndihet keq. Ju beqarët do jeni si në ajër dhe nuk do e keni aspak mendjen për të kërkuar dashurinë. Në punë do jeni më të përgjegjshëm dhe karriera do evoluojë si e keni ëndërruar. Do keni edhe shumë ego. Në planin financiar po nuk bëtë kujdes mund të keni probleme goxha serioze.

Shigjetari

Nëse i dëgjoni këshillat që do iu japin të afërmit do dilni të fituar sot. Ju të dashuruarit do jeni në humor shumë të mirë dhe do bëni çdo gjë që do i pëlqejë partnerit vetëm që ai te ndihet për mrekulli. Së bashku do qeshni e do përjetoni kënaqësi. Ju beqarët mund të keni edhe dashuri me shikim të parë, megjithatë mirë është të bëni kujdes me hapat që do hidhni. Në punë do ndryshoni drejtim dhe gjithçka do ju pëlqejë më shumë. Projektet do jene fantastike dhe me shumë përfitime. Financat do jenë të begata prandaj edhe po bëtë ndonjë shpenzim më tepër nuk do keni probleme.

Bricjapi

Hëna do ju nxitë të jeni më të kujdesshëm sot dhe do i realizoni gjërat ashtu si duhet. Për ju të dashuruarit e sotmja do jetë e zjarrtë. Do i shprehni hapur dëshirat që keni dhe secili do mundohet t’ia plotësojë tjetrit ato që ai do. Ju beqarët do keni vetëm njohje miqësore dhe asgjë më shumë sesa aq. Për lidhjet e ëndërruara do ju duhet ende të prisni. Në punë Jupiteri do ju mbështesë fort që ju ta keni çdo gjë edhe më të lehtë se më parë. Dita pritet të jetë pozitive. Në planin financiar do përballeni me goxha vështirësi, megjithatë mirë është të mos e lëshoni veten.

Ujori

Dita e sotme ka për të qenë shumë e mirë për ju dhe do i rregulloni edhe problemet e mbetura pezull prej kohesh. Ju të dashuruarit do keni më shumë besim se kurrë tek partneri juaj dhe marrëdhënia në çift ka për të qenë akoma më e mirë nga më parë. Ju beqarët do favorizoheni nga Jupiteri dhe do e gjeni shpirtin tuaj binjak. Çdo gjë për ju ka për të qenë si nëpër ëndrra. Në punë gjërat do ju marrin drejtimin e duhur. Saturni do ju bëjë më të duruar dhe më këmbëngulës se më parë. Në planin financiar do ju mbështesin gjatë gjithë kohës të afërmit dhe gjendja ka për të mbetur gjithë kohës e qëndrueshme.

Peshqit

Edhe pse Plutoni do ju provokojë disi ju duhet të ruani gjakftohtësinë. Kështu do dilni edhe më të fituar. Për ju të dashuruarit e sotmja do jetë pozitive kështu që përfitoni për të vendosur disa pika mbi “i” dhe për të marre vendime të rëndësishme. Ju beqarët do flirtoni gjatë gjithë kohës, por për fat të keq nuk do ja dilni dot të bëni për vetë asnjë person. Sot nuk do jete dita e tyre me fat. Në punë nuk do jeni aq kreativë sa do donit, megjithatë në tërësi gjërat do ju ecin si duhet. Bëni edhe pak durim e mos u nxitoni. Në planin financiar mirë është të mos rrezikoni shumë pasi në të kundërt situata mund t’iu dalë jashtë kontrollit.

 

Fraksion.com