“Grupi i kokainës në Mykonos”; Në pranga vajza e një politikani

Në pranga janë gjithashtu edhe 3 persona të tjerë. Mes tyre ishte dhe një DJ i njohur libanez.

Të katërt personat, kishin ardhur në ishullin grek dhe ishin të kamufluar si punonjës sezonalë nëpër hotelet luksoze.

Grupi kriminal drejtohej nga një 34-vjeçar i cili bënte të mundur transportimin e kokainës nga Shkupi në drejtim të Greqisë.

Ndërkohë, bashkëpunëtorët e tij kishin për detyrë të ruanin drogën dhe ta shpërndanin. Sipas mediave greke, në këtë moment futej në rol vajza e politikanit maqedonas dhe DJ libanez.

Përmes njohjeve të shumta, ajo sëbashku me DJ siguronin klientët tek të cilët do shpërndanin kokainën. Ata kishin planifikuar që të largoheshin nga Mykonos ditën e djeshme, ndaj policia u vendos në lëvizje për t’i arrestuar.