“Me sa do shitet javën tjetër?”; Braçe thumbon ministren: Nuk mjafton të shkosh te Turi, iku gruri, po vjen shalqini

Në fjalën e tij në Kuvend deputeti socialist Erion Braçe, u shpreh se në 30 vite është ndërtuar një kapitalizëm skifterësh.

Po ashtu ai theksoi se korrupsioni i administratës publike e deformon tregun dhe e shkatërron dhe ata që vuajnë janë bujqit.

“Korrupsioni i administratës publike e deformon tregun. Mes tyre ka të paaftë, dembel, njerëz pa ambicie pa vizion. Të korruptuar , nuk e kanë idenë se çfarë është interesi publik dhe priren vetëm nga interesi privat .E shohin shtetin si diçka që përfitohet më shumë përtej rrogës. Këtu e 30 vite kapitalizmi i ndërtuar edhe prej këtyre njerëzve po kthehet në kapitalizëm skifterësh. Ndaj kërkohet një strehë e qetë në administratën publike, padiskutim që ligjet i janë nënshtruar reformave të thella. Por ka nevojë për ndërhyrje sërish.  Javën që shkoi bërtita shumë saqë zgjova edhe njërin që fle kudo, fle edhe në arë…Por kështu do të vazhdojmë ne. Vazhdoj ta kërkoj me forcë që ne na duhet bursa një instrument ku njerëzit janë të bindur dhe të mbrojtur,.  E përsëris, për 30 vite kemi ndërtuar një kapitalizëm skifterësh”, tha Braçe.

Sipas tij “Por kështu do vazhdojmë ne? Kështu do funksionojnë tregjet, që del dikush bërtet…jo. Prandaj fola dhe kërkoj me ngulm. Ne na duhet bursa, një instrument transparent për të cilët njerëzit të kenë besim. Iku gruri, mbaroi. Tani po vjen historia e shalqinit. Nuk mjafton të shkosh te Turi apo Apostoli atje dhe tja shikosh shalqnin se u poq kësaj jave. Po javës tjetër me cfarë do shitet? Ne nuk kemi treg, nuk kemi kapitalizëm demokratik që i krijon mundësi secilit. Ne kemi ndërtuar një kapitalizëm skifterësh”, tha Braçe.

Fraksion.com