Putini merr pjesë në përvjetorin e pushtimit nazist të Bashkimit Sovjetik

E mërkura e 22 qershorit përkujtohet në Rusi ashtu edhe në Ukrainë si “Dita e Kujtimit dhe Trishtimit”, përvjetori i ditës kur Gjermania Naziste e Adolf Hitlerit sulmoi Bashkimin Sovjetik. Rreth 27 milionë qytetarë sovjetikë vdiqën në Luftën e Dytë Botërore.

Në Rusi, presidenti Vladimir Putin pritet të vendosë lule në një pishtar përkujtimor për viktimat. Lufta e Dytë Botërore luan një rol të rëndësishëm në propagandën ruse mbi pushtimin e Ukrainës, të cilin Putini e quan një “operacion special” për të çrrënjosur “nazistët”.

Për të shënuar përvjetorin, ministria ruse e mbrojtjes publikoi dokumente që datojnë që nga fillimi i Luftës së Dytë Botërore, kur Gjermania pretendonte se ushtria sovjetike po bombardonte kishat dhe varrezat për të justifikuar pushtimin e saj.

“Ashtu si në ditët e sotme, në vitin 1941, nazistët përgatitën provokime paraprakisht për të diskredituar shtetin tonë”, tha Ministria e Mbrojtjes e Rusisë.

▪️June 22 is one of the most tragic dates in Russian history – Memorial and Mourning Day. On this day 81 years ago, the Great Patriotic War began.
A divine liturgy and a memorial service will be held in the Main Cathedral of the Russian Armed Forces.
📽 🇷🇺Ministry of Defence pic.twitter.com/4YYuMYXKCD

— Russian Embassy, SWE (@RusEmbSwe) June 21, 2022

“Bombardoi në orën 4:30 të mëngjesit. Ndaloi fjalën “luftë”. Fajësoi vendet e tjera për agresionin e paprovokuar. Psikiatrit e së ardhmes do të shqyrtojnë: se si pas ndërtimit të kultit të Luftës së Dytë Botërore për vite me radhë, Rusia filloi të rikrijonte faqe të përgjakshme të historisë dhe hapave të nazistëve”, shkroi në Twitter këshilltari presidencial i Ukrainës, Mykhailo Podolyak.

“Emri i kapitullit të fundit dihet – Gjykata për Krime Lufte.”/rel

Fraksion.com