“Nuk ka datë për të festuar”; Si po mbulojnë mediat ruse dhe ukrainase 100 ditë

Televizioni rus deri më tani nuk e ka përmendur faktin se tashmë janë 100 ditë që kur Rusia pushtoi Ukrainën.

Kanalet televizive më të njohura ruse filluan të gjitha buletinet e tyre të mëngjesit duke akuzuar Ukrainën për granatimet pa dallim të zonave jashtë kontrollit të qeverisë. Kanali televiziv i drejtuar nga Kremlini, Rossiya 1, thotë se “nacionalistët kanë sulmuar Mariupolin dhe Donetsk”, ndërsa Channel One, gjithashtu shtetëror, jep “shembuj të rinj të profesionalizmit dhe vetëmohimit të treguar nga ushtria ruse gjatë mbrojtjes së Donbasit”.

Asnjë stacion nuk përmend se “operacioni special ushtarak” i Rusisë në Ukrainë ka hyrë në ditën e tij të 100-të. Para se të fillonte lufta, komentuesit në të dy kanalet u kishin sugjeruar shikuesve të tyre se Rusisë do t’i duheshin vetëm disa ditë për të marrë kontrollin e Ukrainës.

Dje, uebfaqja e pavarur Meduza citoi burime të thoshte se qeveria kishte urdhëruar mediat shtetërore të mos përmendnin 100 ditët. “Përqendrimi në datat e lidhura me luftën mund t’i bëjë rusët të mendojnë për objektivat e pushtimit dhe për atë se sa i suksesshëm ka qenë ai,” tha një burim i Kremlinit për Meduza.

Kjo është në kontrast të thellë me mbulimin mediatik në Ukrainë, ku televizioni po mbulon zhvillimet e sotme me sloganin “100 ditë qëndresë”.

“Kjo nuk është datë për të festuar dhe ne shpresojmë që nuk do të shënojmë 200 ditë që nga fillimi i luftës. Shpresojmë të festojmë ditën tonë të fitores,” tha prezantuesja në TV privat Pryamy.

Fraksion.com