“Rast i turpshëm”; Avokatja e Popullit: Duhet të marrë fund vlerësimi i personave…

Avokatja e Popullit, Erinda Ballanca teksa foli sot në Komisionin e Ligjeve u ndal tek historia plot bujë e 20-vjeçares nga Librazhdi që u kap me të dashurin e saj në dhomë nga vjehrri dhe vjehrra. Gjatë fjalës së saj Ballanca u shpreh se ai është një rast i turpshëm ndërsa theksoi se duhet të marrë fund vlerësimi i personave për shkak të gjinisë së tyre.

“Shoqëria shqiptare vazhdon të mbetet shoqëri e dhunshme. Unë që vitin e parë në fjalën e drejtuar Kuvendit kam deklaruar se dhuna do të sjellë një ashpërsim të gjuhës edhe në nivele të tjera te të rinjtë. Nuk jemi rritur në një ambient të tillë dhe prapë jemi bërë të dhunshëm.

Vazhdon të mbetet i ulët niveli i kuptimit të tjetrit për mendimin e tij ndryshe. Për rastin e djeshëm mendoj se është rast i turpshëm, është një rast që na tregon se duhet të marrë fund vlerësimi i personave në përgjithësi dhe grave në veçanti për shkak të seksualitetit të tyre.

Gjithçka ne jemi sipas shoqërisë shqiptare formëzohet nga seksualiteti. Unë e mirëpres që edhe ju të keni ndonjë kërkesë konkrete por marrëdhënia jonë me komisionerin është e shkëlqyer për bashkëpunimin”, tha Ballanca.

Fraksion.com