I vihet tritol Audit Q7 në Kamzë, detaje mbi shkaqet e ngjarjeve

Një makine tip ‘Audi Q7’ e parkuar në Bulevardin ‘Nënë Tereza’, në Kamëz i është vendosur një sasi lëndë plasëse eksplozive.

Si pasojë e shpërthimit ka pasur vetëm për dëme materiale, ndërsa veç mjetit të parkuar janë dëmtuar edhe xhamat e jashtëm të një dyqani aty pranë.

Audi Q7 është në pronësi të Artan Lleshit, i cili është nga Fani i Mirditës.

Burime bëjnë me dije se Artan Lleshi jeton jashtë vendit, kryesisht në Angli dhe dyshohet se ngjarja mund të ketë ndodhur si pasojë e veprimtarisë së tij në Angli dhe konflikteve për mashtrim me shtetas shqiptare. Artan Lleshi dyshohet se ai është përzier në grupe kriminale.

Burime paraprake bëjnë me dije se në makinën Audi Q7 me ngjyrë të zezë është vendosur një sasi prej rreth 50g lëndë plasëse. Në pyetje është marrë pronari i mjetit, Artan Lleshi, i cili ka deklaruar se nuk ka asnjë konflikt dhe nuk dyshon tek asnjeri. Por deklarata e tij nuk është bindëse për hetuesit, të cilët kanë dyshime për përfshirje të tij në konflikte në Angli, si pjesë e grupeve kriminale atje. Lleshi banon në anën tjetër të pallatit dhe makinën krysisht e parkonte në vendin ku u hodh në erë.

Ngjarja ka ndodhur pak pas mesnate. Shpërthimi ka qenë aq i fortë, sa është dëgjuar në një distancë shumë të largët.

Fraksion.com