Berisha publikon emrat e kandidatëve për anëtarët e kryesisë së PD-së! Ina Zhupa ‘suprizë’ në garë
Sali Berisha ka publikuar emrat e kandidatëve për anëtarët e kryesisë së PD-së. Në listë vihet re edhe emri i deputetes Ina Zhupa, ndërsa pjesa tjetër janë anëtarë të Rithemelimit.
“Anëtarët e Kryesisë të gjithë anëtare të Rithemelimit. Dhanë një kontribut substancial në realizimin e tij. Me rikthimin e vendosjes dhe Rithemelimin e PD si forcë politike opozitare e vërtetë. Komisioni në mbledhjen e tij ka miratuar listën për kryesinë e kandidatëve për kryesinë PD që do të zgjidhet nesër nga këshilli kombëtar i kësaj partie. Janë propozuar kandiadtuar me kredenciale të shkëlqyera politike. Listat do u shpërndahet. Anëtarët e këshillit Kombëtar do kenë mundësi që të zgjedhin me kandidatura altrenative në kryesinë e PD-së. Në listë janë paraqitur kontributet e rithemelimit, janë paraqitur zonja dhe zotërinj me kontribute.”- tha Berisha.
Në garën për Kryesinë e re të Partisë Demokratike do të garojnë 13 deputetë të Grupit Parlamentar të PD.
Nga lista prej 17 deputetësh që janë bërë që në fillim pjesë e Rithemelimit mungon kreu i PD-së, Sali Berisha, dhe kryetari i Këshillit Kombëtar, Edi Paloka, të cilët janë automatikisht anëtarë të kryesisë, por edhe Albana Vokshi dhe Bujar Leskaj.
Pjesë e listës janë gjithashtu edhe Ina Zhupa dhe Kasem Mahmutaj, që iu bashkuan më vonë Rithemelimit.
Lista:
Berisha tha se kandidatët e propozuar nga Komisioni i Rithemelimit janë kandidatura me kredenciale të shkëlqyera politike, por edhe kandidatura të reja. Sipas tij, ditën e nesërme do të publikohet në ekranet televizive çdo votë për çdo kandidat të votuar në listë.
“Të gjithë u angazhuan në krye të herës, në këtë proces, dhe dhanë një kontribut substancial në realizimin e tij, në rikthimin, rivendosjen, e pluralizmit të vërtetë politikë në Shqipëri, Rithemelimin e PD, si forcë politike opozitare e vërtetë, si forcë politike e lirive dhe të drejtave të shqiptarëve dhe minoritarëve, e dinjitetit njerëzor, e tregut të lirë dhe konkurrencës së lirë, e interesit kombëtar, patriotizmit, e vokacionit perëndimor të kombit shqiptar dhe integrimit europian dhe euroatlantik të Shqipërisë. Komisioni në mbledhjen e tij, sic parashikon statuti, ka miratuar listën e kandidatëve për kryesinë e PD, që do të zgjidhet nesër nga Këshilli Kombëtar i kësaj partie. Janë propozuar kandidatura me kredenciale të shkëlqyera politike, por edhe kandidatura të reja. Anëtarët e Këshillit Kombëtar do të kenë mundësi që të zgjedhin me kandidatura alternative Kryesinë e PD. Ju do mund të shihni në ekran çdo votë për çdo kandidat të votuar në listë”, tha Berisha.
Fraksion.com
