Shkrumbohet autobusi në autostradën Fier-Vlorë, po transportonte punonjës fasonerie (foto)

Pamjet që shihni tregojnë autobusin e shkrumbuar tek mbikalimi i Novoselës në Vlorë, teksa kishte shkuar të marrë punonjësit e një fasonerie nga Cakrani.

Ngjarja ndodhi rreth orës 06:50, në aksin rrugor Vlorë-Fier.

Pamjet nga vendi i ngjarjes ku shihet se forcat e shërbimit të zjarrfikëses shuajnë zjarrin, ndërsa nga autobusi nuk ka ngelur asgjë.

Dyshohet se zjarri ka rënë si pasojë e një shkëndije elektrike . Fatmirësisht nuk raportohet për persona të lënduar, ndërsa autobusi është shkrumbuar plotësisht.

Më datë 26.05.2022, rreth orës 06:50, në aksin rrugor Vlorë –Fier, tek mbikalimi i Novoselës ka marrë flakë në lëvizje, autobusi me drejtues shtetasin B. Xh., 60 vjeç. Nuk ka dëme në njerëz“, njofton policia.

pamjet nga vendi i ngjarjes ku shihet se forcat e shërbimit të zjarrfikëses shuajnë zjarrin, ndërsa nga autobusi nuk ka ngelur asgjë.

Fraksion.com