“Një i çmendur ka…” ; Navalny kritikon luftën e Putinit ndaj Ukrainës pasi ankesa e gjykatës u refuzua në Moskë

Një gjykatë ruse ka refuzuar një apel të liderit të opozitës Alexei Navalny kundër dënimit me nëntë vjet burg që ai po vuan për mashtrim në shkallë të gjerë dhe shpërfillje të gjykatës, akuza të cilat ai i mohon.

Reuters raporton se Navalny kritikoi presidentin Vladimir Putin gjatë seancës gjyqësore, duke e cilësuar atë si një të çmendur që kishte nisur një “luftë marrëzi” në Ukrainë bazuar në gënjeshtra.

“Kjo është një luftë budallaqe që filloi Putini juaj,” i tha Navalny, 45 vjeç, një gjykate apeli në Moskë përmes lidhjes video nga një koloni penale. “Kjo luftë është ndërtuar mbi gënjeshtra.”

“Çfarë doni të arrini – doni kontroll afatshkurtër, të luftoni me brezat e ardhshëm, të luftoni për të ardhmen e Rusisë?” Navalny pyeti gjykatën. “Të gjithë do të pësoni disfatë historike”.

Navalny tha se Rusia e Putinit drejtohej nga hajdutë dhe kriminelë që ishin bërë armiq të popullit rus.

“Një i çmendur ka futur kthetrat e tij në Ukrainë dhe unë nuk e di se çfarë dëshiron të bëjë me të – ky hajdut i çmendur”, tha Navalny për Putinin.

Fraksion.com