Këngëtarja serbe blen mijëra euro këngën e Ronela Hajatit

“Leje” është kënga e Ronela Hajatit e cila ka bërë që serbët të “çmenden” pas asaj. E publikuar në fillim të muajit tetor kënga numëron disa miliona klikime në Youtube.

Së fundmi ka qenë këngëtarja serbe Tea Tairovis e cila ka publikuar këngën “Leje” në versionin serb.

Mediat serbe raportojnë se Tea ka paguar 10 mijë euro për të blerë këngën e Ronelës, e cila numëron disa miliona klikime në Youtube. Mediat shkruajnë se Ronela u bë e njohur për publikun serb si përfaqësuesja e Shqipërisë në edicionin e këtij viti të Eurovision që u mbajt në Torino.

Gjithashtu në artikull nuk lihet pa u cekur as simpoli i Shqipërisë që Ronela bëri në fund të performancës së saj në Torino të cilët e konsiderojnë si një skandal.