Mbretëria e Bashkuar sanksionon linjat ajrore ruse për t’i penguar ato të shesin vendet e uljes

Qeveria e Mbretërisë së Bashkuar do të vendosë sanksione të reja kundër linjave ajrore ruse për t’i parandaluar ato të fitojnë para në vendet e tyre të uljes të papërdorura në aeroportet britanike.

“Aeroflot në pronësi shtetërore, linja ajrore më e madhe ruse, Ural Airlines dhe Rossiya Airlines tani nuk do të jenë në gjendje të shesin vendet e tyre të papërdorura dhe fitimprurëse të uljes në aeroportet e Mbretërisë së Bashkuar – duke e penguar Rusinë të arkëtojë rreth 50 milionë £ (rreth 61 milionë dollarë)”. Ministria e Jashtme e Mbretërisë së Bashkuar tha të enjten në një deklaratë për shtyp.

“Ne kemi mbyllur tashmë hapësirën tonë ajrore për linjat ajrore ruse. Sot ne po sigurohemi që ato të mos mund të fitojnë para në vendet e tyre fitimprurëse të uljes në aeroportet tona,” tha Sekretarja e Jashtme e Mbretërisë së Bashkuar Liz Truss.

“Çdo sanksion ekonomik përforcon mesazhin tonë të qartë për Putinin – ne nuk do të ndalemi derisa Ukraina të mbizotërojë”, shtoi ajo.

Javën e kaluar, Truss u bëri thirrje aleatëve ndërkombëtarë që të vendosin më shumë sanksione kundër Rusisë derisa ajo të tërhiqet plotësisht nga Ukraina dhe të pajtohet për paqen.

Ajo kërkoi që sanksionet ndaj Rusisë të mos hiqen derisa këto kërkesa të përmbushen.

Fraksion.com