Mike Pompeo sot në Tiranë; Përse vjen ish sekretari amerikan i shtetit?
Në kuadër të 100 vjetorit të marrëdhënieve Shqipëri -SHBA, vendin tonë të hënën pritet ta vizitojë Ish-sekretari amerikan i shtetit, Mike Pompeo.
Mësohet se zoti Pompeo vjen më ftesë të kryetarit të grupit parlamentar socialist, Taulant Balla.
Në kryesinë e kuvendit pritet të mbahet një aktivitet nga ku Pompeo do të jetë folësi kryesor.
Gjatë qëndrimit në Tiranë ish sekretari Pompeo do të marrë titullin e nderit “Doctor Honoris Causa” nga universiteti i Tiranës.
Pompeo është një politikan, diplomat dhe biznesmen amerikan që shërbeu nën Presidentin Donald Trump si drejtor i Agjencisë Qendrore të Inteligjencës (CIA) nga 2017 deri në 2018 dhe si Sekretari i 70- të i Shtetit i Shteteve të Bashkuara nga viti 2018 deri në 2021.
Ai mori detyrën në 13 mars të vitit 2018, duke zënë vendin e Rex Tillerson.
Kjo është vizita e parë e Mike Pompeo në vendin tonë.
Fraksion.com
