Tabaku: Qeveria nuk mori masa për rritjen e çmimeve, vendos borde atipike komuniste

Deputetja e PD-së, Jorida Tabaku tha se dëgjova raportin e Autoritetit të Konkurrencës dhe nuk u prek asnjë nga temat e ditës, si rritja e çmimeve të shportës dhe hidrokarbureve.

Duke folur në Kuvend për raportin vjetor të veprimtarisë së institucionit të Autoritetit të Konkurrencës për vitin 2021, Tabaku u shpreh se ngrihet struktura atipike komuniste si bordet e vendosjes së çmimeve.

Ajo tha se qeveria nuk mori masa për të ndërhyrë për rritjen e çmimeve.

“Do të kisha dashur të diskutoni çështjen për rritjen e çmimeve. Qeveria nuk ndërhyn, çmimet vazhdojnë të rriten dhe këtu vetëm ngrihen struktura. Raportin e Autoritetit të Konkurrencës nuk kam gjetur zgjidhje. A janë marrë masa për të ndryshuar situatën dhe a ka funksionuar ky autoritetet. A është analizuar Porti i Durrësit dhe ai i Vlorës?”, tha Tabaku.

Tabaku shtoi se “gjatë fillimit të vitit e deri më sot kemi patur dy situata ku qytetarët shqiptarë janë prekur në mënyrë të ndjeshme si nga mungesa e Autoriteti të Konkurrencës dhe nga ana tjetër nga shteti. Në fillim të këtij viti patëm rritje të produkteve ushqimore dhe të shportës në mënyrë të veçantë. INSTAT thotë se është rritur 5.6%. Tek konsumatorët me të ardhura të ulëta si rregull këto produkte rriten me dyfishin në krahasim me shtresat e tjera. Mori masa autoriteti për rritjen e bukës, vajit? Mori masa qeveria për të hyrë në treg? Patëm protesta për rritjet e karburantit? A patëm masa për këto situatë?. Në fakt këto dy tema do ishin debati në parlament sepse janë votuar për të monitoruar tregjet. Autoritet nuk vendos gjoba, çmimet vazhdojnë të rriten, ngrihet struktura atipike komuniste si bordet e vendosjes së çmimeve nga ana e qeverisë dhe kushdo që ngrihet për të mbrojtur interesin e qytetarëve, çdo institucion nuk merr masa”.

Tabaku shtoi se, në raport nuk gjendet asgjë nga këto tema të ditës.

“Ka një përqendrim të jashtëzakonshëm të blerjeve. Një përqendrim në pak kompani, në pak duar. A janë marrë masa për të ndryshuar situatën e tenderimeve publike, prokurimeve publike nga ana e qeverisë. A ka funksionuar Autoritet i Konkurrencës si institucion i pavarur? A ka bërë analizë autoritet për tregun e hidrokarbureve. Pse nuk ka masa. Këto dy elementë nuk gjejnë përgjigje”, tha ajo.

Tabaku shtoi se, në raportin e progresit të Komisionit Evropian thuhet se Autoriteti duhet të jetë më aktiv në kontrollin e PPP-ve dhe të drejtave ekskluzive që atyre mund t’u jepen në kontrollin e përputhshmërisë në parimin e konkurueshmërisë.

Fraksion.com