Ekspertja ushtarake: Putin e portretizoi Rusinë si viktimë

Katarzyna Zysk, një specialiste ushtarake ruse, i thotë BBC News Channel se nuk ishte çudi të dëgjoje Vladimir Putin duke e lidhur luftën aktuale në Ukrainë me Luftën e Dytë Botërore, “duke lavdëruar të kaluarën sovjetike dhe duke prekur nostalgjinë sovjetike e cila është mjaft e përhapur në Rusi dhe është ushqyer nga autoritetet ruse”.

Ajo thotë se ai përsëriti akuza të rreme kundër NATO-s se ata kishin planifikuar një sulm bërthamor dhe foli për luftimin e “nazistëve ukrainas të shpikur”.

Zysk thotë se kjo është pjesë e një plani për të portretizuar Rusinë si një kështjellë nën rrethim dhe për të treguar se çdo dështim në Rusi që nga vitet 1990 ka qenë faji i Perëndimit.

“Ai e vendos Rusinë në këtë rol viktimë,” thotë ajo. “Kjo është gjithashtu për të justifikuar dhe për t’i dhënë pak kuptim kësaj lufte.”

Ajo thotë se ishte e habitur që Putini nuk përmendi tradhtarët properëndimorë në Rusi për ta bërë këdo që e vë në dyshim luftën një kok turku.

Dhe ajo thotë se ishte interesante që ai la të kuptohej se Rusia ishte në luftë me NATO-n si dhe me Ukrainën.

Fraksion.com