“Shesh lufte, Elbasan Arena”: Sherr mes tifozëve, të acaruar shkatërrojnë stolat

Nuk kishte si të mos mungonte acarimi i tifozëve pas fitores së Tiranës në sfidën me Partizanin këtë mbrëmje në “Elbasan Arena”.

Derbi mes Partizanit dhe Tiranës, e cila u fitua nga bardheblutë ka sjellë edhe tension mes tifozëve. Në këto fotot shihet një tifoz, i cili është vënë në pranga nga policia.

Pas përfundimit të ndeshjes, tifozët e Tiranës nisën festën për titullin kampion, ndërsa nga ana tjetër tifozëria e Partizanit ka thyer stolat e stadiumit.

Për të qetësuar gjendjen, policia ka përdorur gazin lotsjellës, për të mos nxehur më shumë gjakrat mes dy tifozerive.