PD sot mbledh Këshillin Kombëtar
Komisioni i Rithemelimit ka njoftuar se sot do të mbledhë Këshillin Kombëtar të Partisë Demokratike.
Paloka gjithashtu njoftoi se në mbledhje do të ketë edhe një qëndrim për zgjedhjen e presidentit të ri të vendit.
Edhe pse pas zgjedhjeve të 6 marsit tentativat e PD-së ishin për bashkim, duket se Kuvendi Kombëtar i 30 prillit e thelloi më shumë ‘krizën’ në Partinë Demokratike.
Ndërsa ditën e djeshme, me ftesë të Enkelejd Alibeajt, u mblodh grupi Parlamentar i Partisë Demokratike.
Por në atë mbledhje e cila nisi në orën 17:00, u paraqitën vetëm 19 deputetë demokratë.
Deputeti Ervin Salianji u shpreh gjatë mbledhjes me dyer të mbyllura se ajo nuk mund të quhej as mbledhje grupi pasi nuk përmbushte kuorumin.
Alibeaj tha se në total PD-ja ka 36 anëtarë e se 22 deputetë ishin më se mjaftueshëm për të mbledhur grupin.
Grupi i Rithemelimit nuk e njeh Enkelejd Alibeaj si kryetar të grupit parlamentar, pasi në 30 prill votuan për ta shkarkuar.
Fraksion.com
