NATO shpall emërimin e gjeneralit Christopher G. Cavoli si Komandant Suprem i Aleatëve në Evropë

Këshilli i Atlantikut të Veriut ka miratuar emërimin e gjeneralit Christopher G. Cavoli, nga Ushtria e Shteteve të Bashkuara, në postin e Komandantit Suprem të Aleatëve për Evropën.

Gjenerali Cavoli aktualisht po shërben si komandant i Ushtrisë së Shteteve të Bashkuara për Evropë dhe Afrikë.

Pas përfundimit të proceseve kombëtare të konfirmimit, ai do të marrë emërimin e tij si pasardhës i gjeneralit Tod D. Wolters, Forca Ajrore e Shteteve të Bashkuara, në një ceremoni ndryshimi të komandës në Shtabin Suprem të Fuqive Aleate në Evropë në Mons, Belgjikë, që pritet në verëne e  vitit 2022.

Komandanti Suprem i Aleatëve në Evropë (SACEUR) është një nga dy komandantët strategjikë të NATO-s dhe është kreu i Komandës Aleate të Operacioneve (ACO). Ai është përgjegjës para autoritetit më të lartë ushtarak të NATO-s, Komitetit Ushtarak (MC), për kryerjen e të gjitha operacioneve ushtarake të NATO-s.

Komandanti Suprem i Aleatëve në Evropë (SACEUR)

Komandanti Suprem i Aleatëve në Evropë – ose SACEUR – është një nga dy komandantët strategjikë të NATO-s.

SACEUR është në krye të Komandës Aleate të Operacioneve (ACO) dhe, si i tillë, është përgjegjës para Komitetit Ushtarak (MC) për kryerjen e të gjitha operacioneve të NATO-s.

Ai është tradicionalisht një komandant i SHBA-së, me dy kapele si Komandant i Komandës Evropiane të SHBA-së.

SACEUR aktual është Tod D. Wolters, Forca Ajrore e Shteteve të Bashkuara, i cili mori funksionet e tij më 3 maj 2019.

Komanda e tij e NATO-s ushtrohet nga Shtabi Suprem i Fuqive Aleate në Evropë (SHAPE) në Casteau, pranë Mons, Belgjikë.

Fraksion.com