“Sigurimi i së ardhmes të përbashkët”; Sekretari i Përgjithshëm u drejtohet udhëheqësve të ardhshëm në Samitin e Rinisë së NATO-s

Sekretari i Përgjithshëm i NATO-s Jens Stoltenberg mori pjesë në Samitin e Rinisë së NATO-s të enjten (28 Prill 2022), një ngjarje që bashkon udhëheqës të rinj nga e gjithë Aleanca dhe më gjerë për të adresuar çështje kritike të sigurisë.

Sekretari i Përgjithshëm mori pjesë në një bisedë mbi agjendën aktuale dhe të ardhshme të NATO-s, e moderuar nga Lauren Speranza, Drejtore e Mbrojtjes dhe Sigurisë Transatlantike në Qendrën për Analizën e Politikave Evropiane (CEPA). Ai theksoi rëndësinë e përshtatjes së vazhdueshme të Aleancës, duke vënë në dukje se Koncepti i ardhshëm Strategjik i NATO-s duhet të trajtojë çështje duke përfshirë teknologjitë në zhvillim, ndryshimet klimatike dhe politikat shtrënguese të Kinës. Ai theksoi gjithashtu nevojën për të përfshirë të rinjtë e sotëm në vendimet që do të formësojnë botën e së nesërmes, duke theksuar se siguria është themeli mbi të cilin ndërtohet prosperiteti dhe liria. Stoltenberg nënvizoi më tej rëndësinë e mbështetjes së fortë të aleatëve për Ukrainën pasi ajo vazhdon t’i rezistojë pushtimit rus dhe tha se NATO do të mirëpresë Finlandën dhe Suedinë “me krahë hapur” nëse ata zgjedhin të aplikojnë për anëtarësim në Aleancë.

Organizuar në bashkëpunim me Qendrën për Analizë të Politikave Evropiane (CEPA) me temën “Sigurimi i së ardhmes sonë të përbashkët”, diskutimet e panelit të Samitit të Rinisë mbuluan sfidat urgjente të sigurisë duke përfshirë ndryshimet klimatike, dezinformimin, krizat humanitare, teknologjitë në zhvillim dhe diskriminimin gjinor. Disa zyrtarë të NATO-s morrën pjesë në veprimtari si folës, duke përfshirë Zëvendës Sekretarin e Përgjithshëm Mircea Geoană. Samiti paraqiti gjithashtu një sërë kontributesh nga zëra të ndryshëm, duke përfshirë aktivistë, artistë dhe udhëheqës të teknologjisë.

Fraksion.com