Administrata ushtarake: Dy raketa goditën qytetin ukrainas Zaporizhzhia

Dy raketa të drejtuara goditën qytetin e Zaporizhzhia në Ukrainën qendrore të martën, sipas administratës ushtarake rajonale të Zaporizhzhia.

Raketat goditën një nga bizneset e qytetit, duke vrarë një person dhe duke plagosur një tjetër, tha administrata.

“Objektet infrastrukturore të ndërmarrjes janë dëmtuar dhe shkatërruar”, thuhet në njoftim, duke shtuar se një raketë e tretë ka shpërthyer në ajër.

Më herët të martën, kompania shtetërore e energjisë bërthamore e Ukrainës, Enerhatom, pretendoi se dy raketa lundrimi kishin fluturuar mbi termocentralin bërthamor pranë qytetit të Zaporizhzhia.

“Fluturimi i raketave në lartësi të ulëta direkt mbi vendndodhjen e ZNPP, ku ndodhen 7 objekte bërthamore me një sasi të madhe të materialit bërthamor, paraqet rreziqe të mëdha”, tha Petro Kotin, kreu i Enerhoatom. “Në fund të fundit, raketat mund të godasin një ose më shumë objekte bërthamore dhe kjo kërcënon një katastrofë bërthamore dhe rrezatimi në mbarë botën.

Uzina Zaporizhzhia u kap nga rusët më 4 mars dhe është ende nën kontrollin e tyre.