Kryebashkiaku i Mariupolit: Evakuimet nga uzina Azovstal nuk janë të mundshme të enjten pasi nuk ka armëpushim të qëndrueshëm

Nuk ka asnjë mundësi për të evakuuar civilët nga uzina Azovstal të enjten pasi nuk ka një armëpushim të qëndrueshëm që do të sigurojë evakuim të sigurt, tha të enjten kryetari i bashkisë së Mariupolit Vadym Boichenko gjatë një konference online.

Kryebashkiaku u bëri thirrje partnerëve ndërkombëtarë që të lehtësojnë një armëpushim dhe një korridor për evakuim.

Përveç kësaj, ai vuri në dukje se rreth 200 njerëz janë aktualisht në pritje të autobusëve të evakuimit në Mariupol, por autobusët nuk kanë mbërritur ende. Katër autobusë evakuimi me 80 civilë në bord u larguan nga Mariupol të mërkurën dhe aktualisht po shkojnë në Zaporizhzhia, tha kryebashkiaku.

Ai tha gjithashtu se të mërkurën, gjatë një përpjekjeje për të evakuuar popullsinë civile, trupat ruse filluan granatimet.

“Fatkeqësisht, shumë banorë vendosën të qëndrojnë në qytet sepse menduan se do të ishte e rrezikshme dhe jeta e tyre do të kërcënohej”, tha ai.
Ai shtoi se që nga 13 marsi, kur përpjekjet e para të evakuimit u bënë të mundura, më shumë se 100,000 njerëz janë larguar nga Mariupol, por rreth 100,000 civilë mbeten ende në qytet.

Fraksion.com