“Kartolinë e Rilindjes pas Rrënimit”; Rama: Në Fushë-Krujë ka nisur jeta e familjeve të prekura nga tërmeti

Lagjet e reja, një kombinim i banesave individuale me ato kolektive, shërbimeve dhe rekreacionit janë modeli i ri i zhvillimit urban i qyteteve që u goditën nga tërmeti i 26 nëntorit 2019.

Në lagjen “Rilindja” në Fushë-Krujë familjet që mbetën pa strehë janë kthyer në banesat e reja.

Kryeministri Edi Rama ka publikuar foto nga kjo zonë, në të cilën janë ndërtuar 100 apartamente dhe 167 shtëpi individuale.

“MIRËMËNGJES , dhe me kartolinën e Rilindjes pas Rrënimit nga tërmeti në Fushë-Krujë, ku tanimë ka nisur jeta e familjeve të prekura, ju uroj një ditë të mbarë”, shprehet Rama krahas fotos.