Kancelari austriak do t’i tregojë Vladimir Putinit të vërtetën për luftën, “sy për sy”

Kancelari austriak Karl Nehammer synon t’i tregojë presidentit rus Vladimir Putin “të vërtetën” për luftën në Ukrainë gjatë takimit të tyre ballë për ballë në Moskë të hënën, sipas një zyrtari të lartë austriak.

Nehammer do të jetë lideri i parë i BE-së që takohet me Putinin që nga fillimi i pushtimit rus të Ukrainës në fund të shkurtit.

Ai vizitoi Kievin për të takuar Presidentin e Ukrainës Volodymy Zelensky të shtunën.

Duke folur përpara një takimi të BE-së në Luksemburg të hënën, Ministri i Jashtëm i Austrisë Alexander Schallenberg u tha gazetarëve “është një ndryshim të jesh ballë për ballë dhe t’i tregosh atij se cili është realiteti: që ky president de fakto e ka humbur luftën moralisht”.

Duhet të jetë në interesin e tij që dikush t’i thotë të vërtetën. Mendoj se është e rëndësishme dhe ia kemi borxh vetes nëse duam të shpëtojmë jetë njerëzore.

“Arsyeja e takimit është se ne nuk duam të humbasim asnjë mundësi, duhet të përdorim çdo shans për t’i dhënë fund situatës skëterrë humanitare në Ukrainë… çdo zë që do ta ndihmojë Putinin të shohë realitetin jashtë murit të Kremlinit. nuk është një zë i humbur”, shtoi Schallenberg.

Udhëtimi i Nehammer në Moskë është i rëndësishëm duke pasur parasysh statusin neutral të vendit të tij, i cili është i përfshirë në kushtetutën e tij.

Austria nuk është pjesë e NATO-s dhe nuk furnizon me armë Ukrainën. Megjithatë, ajo i ka ofruar Ukrainës ndihmë humanitare dhe helmeta dhe jelekë mbrojtës për përdorim civil, sipas një deklarate nga Kancelaria Austriake.

Nehammer tha të shtunën se ndërsa vendi i tij është ushtarakisht neutral, “ne e kuptojmë se duhet të ndihmojmë aty ku ndodhin padrejtësitë dhe krimet e luftës”.

Fraksion.com