Vokshi: Mesazhi i 6 marsit ishte bashkimi
Kryetarja e LDGSH Albana Vokshi zhvilloi sot takim me drejtueset e degëve të LDGSH-së të qarqeve Tiranë, Durrës dhe Elbasan.
Kryetarja e LDGSH, Vokshi në takimin e zhvilluar ne selinë e PD, diskutoi në lidhje me situatën në Partinë Demokratike, rolin e grave dhe Lidhjes Demokratike të Gruas në procesin e riorganizimit të PD dhe aksionin opozitar.
Vokshi tha se Partia Demokratike ka kaluar një periudhë të vështirë pas vendimeve autoritare, përçarëse dhe antidemokratike të ish-lidershipit të PD-së.
“Pavarësisht sulmeve të paprecedenta edhe ndaj LDGSH, me qëllim kontrollin e plotë të strukturave të saj, gratë ja dolën me dinjitet të ishin të bashkuara. Falënderim për mbështetjen e çdo zonje që i rezistoi presioneve të shumta e të gjithanshme e iu bashkua lëvizjes së Foltores së Berishës dhe Komisionit të rithemelimit. Mirënjohje për punën me përkushtim të të gjitha grave e vajzave për mbështetjen e fushatës së kandidatëve të “Shtëpisë së Lirisë” në zgjedhjet e 6 marsit”, tha Vokshi.
Mesazhi i 6 marsit, tha zonja Vokshi, ishte bashkimi ndaj edhe gratë, theksoi ajo, duhet të japin kontributin e tyre në këtë drejtim duke shtrirë dorën e bashkëpunimit.
“Gratë kanë rol të madh në strukturat e PD ndaj është e nevojshme të angazhohen e të zgjidhen më shumë gra e vajza në strukturat drejtuese në çdo nivel. Është detyrë e secilës prej nesh të anëtarësojmë e të mbështesim sa më shumë gra të tjera, për një PD më të fortë, më zë bashkuar e më zë hapur”, tha kryetarja e LDGSH-së, Albana Vokshi.
Fraksion.com
