Rusët u tërhoqën nga Çernobili duke marrë pengje ukrainase

Forcat e Armatosura Ruse përfunduan tërheqjen nga vendi i termocentralit bërthamor të çmontuar të Çernobilit.

Ministria ukrainase e Energjisë Atomike raporton në Twitter, duke cituar stafin e objektit.

Zona që në vitin 1986 ishte teatri i fatkeqësisë më të keqe bërthamore në histori, kishte rënë nën kontrollin rus në javën e parë të luftës. Energoatom, agjencia shtetërore e energjisë atomike e Ukrainës, raportoi në Telegram se trupat ruse kanë shpallur zyrtarisht synimin e tyre për t’u larguar dhe për t’ia dorëzuar kontrollin e vendit stafit. Një burim i inteligjencës amerikane, raporton CNN, konfirmoi se trupat ruse po tërhiqen nga Çernobili dhe nga zonat në veri dhe verilindje të Kievit.

“Me daljen nga termocentrali bërthamor i Çernobilit, pushtuesit rusë morën peng me vete anëtarë të Gardës Kombëtare, të cilët mbaheshin peng që nga 24 shkurti”, tha agjencia shtetërore ukrainase Energoatom në Telegram, duke cituar punonjësit e termocentralit.

Fraksion.com