Servisi përfshihet nga flakët, digjen gjashtë makina që jepeshin me qira
Gjashtë makina që jepeshin me qira janë djegur, pasi një servis në fshatin Leshnicë të Pogradecit është përfshirë nga flakët rreth orës 04:00.
Nga të dhënat e para, dyshohet se zjarrvënia mund të ketë qenë e qëllimshme, ndërsa grupi hetimor po punon për sqarimin e plotë të rrethanave.
Pogradec, Informacion paraprak
Më datë 25.03.2022, rreth orës 04:00, jemi njoftuar se në fshatin Leshnicë, Pogradec, në rrethimin e jashtëm të servisit në pronësi të shtetasit G. P., ka rënë zjarr dhe për pasojë janë djegur 6 automjete të cilat jepeshin me qira. Dëme në njerëz nuk ka, por vetëm dëme materiale. Nga të dhënat e para, dyshohet se zjarrvënia mund të ketë qenë e qëllimshme. Grupi hetimor po punon për sqarimin e plotë të rrethanave të ngjarjes, identifikimin dhe kapjen e autorëve.
Fraksion.com
