“Waves” arreston tre persona në Vlorë, mes tyre një 21-vjeçar i shpallur në kërkim
Policia e Vlorës ka finalizuar me sukses operacionin policor të koduar “Waves”, ku në pranga kanë rënë 3 persona, njëri prej tyre i shpallur në kërkim. Raportohet se në lagjen “24 Maji” është arrestuar 50-vjeçari Kristo Drolli, pasi gjatë kontrollit iu gjet një armë zjarri pistoletë.
Po ashtu, po në të njëjtin vend gjatë kontrollit fizik, i është gjetur armë zjarri tip pistoletë 21-vjeçarit Ariel Kingji. Ky i fundit ishte shpallur në kërkim dhe akuzohej për vrasje të mbetur në tentativë. Bashkë me të, në pranga ra edhe 37-vjeçari Shpati Lena, që dyshohet se ka përkrahur 21-vjeçarin në Krim.
Njoftimi i Policisë:
Finalizohet operacioni policor i koduar “Waves”, për goditjen e veprimtarisë kriminale në fushën e armëmbajtjes pa leje dhe kapjen e personave në kërkim.
Operacioni i zhvilluar nga Forca e Posaçme “Shqiponja”.
Arrestohen në flagrancë tre persona, njëri prej tyre i shpallur në kërkim për vrasje me dashje, të mbetur në tentativë.
I kërkuari dhe drejtuesi i mjetit janë kapur në flagrancë, secili me armë zjarri pistoletë me vete.
Sekuestrohen 2 armë zjarri pistoletë dhe municion luftarak.
Forca e Posaçme “Shqiponja”, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje dhe kapjen e personave në kërkim, bazuar dhe në informacionet e marra në rrugë operative, se disa shtetas po lëviznin me armë zjarri në automjet dhe njëri prej tyre ishte në kërkim, kanë organizuar punën dhe kanë finalizuar me sukses operacionin policor të koduar “Ëaves”.
Si rezultat i punës dhe veprimeve të shpejta profesionale, nga shërbimet e Forcës së Posaçme “Shqiponja”, në lagjen “Ujë i Ftohtë”, Vlorë, shërbimet e Policisë kanë lokalizuar dhe ndaluar automjetin e dyshuar, si dhe kanë bërë arrestimin në flagrancë të shtetasve:
– K. D., 50 vjeç, banues në lagjen “24 Maji”, për veprën penale “Mbajtja pa leje dhe prodhimi i armëve, armëve shpërthyese dhe i municionit”, pasi gjatë kontrollit iu gjet një armë zjarri pistoletë;
– A. K., 21 vjeç, banues në lagjen “24 Maji”, Vlorë, pasi gjatë kontrollit fizik, iu gjet në brez, një armë zjarri pistoletë. Nga veprimet hetimore rezultoi se ky shtetas ishte shpallur në kërkim për veprat penale “Vrasja në rrethana cilësuese” kryer në bashkëpunim, mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit” në lidhje me ngjarjen e ndodhur në datën 04.08.2019, në lagjen “1 Maji”, Vlorë.
– Sh. L., 37 vjeç, banues në lagjen “24 Maji”, i cili dyshohet si përkrahës i personit në kërkim.
Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme.
Fraksion.com
