4000 vepra arti të vjedhura, mbaheshin në një shtëpi në Tiranë

4000 vepra arti janë zbuluar nga Policia e Tiranës të dyshuara si të vjedhura.

Burime bëjnë të ditur se veprat e artit janë zbuluar në një banesë, ndërsa në pranga është vënë 31-vjeçari Artan Koçiu.

Dyshohet se një pjesë e mirë e objekteve i përkasin trashëgimisë kulturore dhe po vazhdon puna për inventarizimin e tyre dhe përcaktimin e atyre që janë pjesë e trashëgimisë kulturore dhe përcaktimin e objekteve se ku janë marrë apo vjedhur.

Dyshohet se këto vepra arti janë të karakterit fetar, të vjedhura në kishat Ortodokse në Shqipëri, Greqi dhe në Maqedoninë e Veriut. Sipas specialistëve të ministrisë së Kulturës janë objektet të vjetra dhe të mirëmbajtura: pjesë ikonostasesh nga objekte të vjetra kulti, objekte etnografike, objekte të artit pamor, objekte kulti liturgjike, libra të vjetër, Kodik, skrivane dhe mobilje të vjetra, EPITAF.

Fraksion.com