Shërbimi sekret i Ukrainës: Rusia po përgatit planin që ta lërë pa bukë Ukrainën dhe botën

Departamenti i Inteligjencës së Mbrojtjes ukrainase përmes një njoftimi në rrjetet sociale ka denoncuar se forcat ruse kanë nisur luftë sistematike në dëmtimin e makinerisë agrikulturore në Ukrainë. Me këto veprime, thonë autoritetet ukrainase, Rusia planifikon ta lë pa bukë Ukrainën, dhe jo vetëm atë.

Institucionet e sigurisë së Ukrainës kanë dalë me një njoftim, ku flasin për planin rus, që të dëmtohet agrikultura e shtetit të tyre.

“Pushtuesit qëllimshëm po i dëmtojnë makinerinë agrikulturore të Ukrainës. Raste të veprimeve të tilla sistematike janë regjistruar në Brovarsky, në rajonin e Kyivit”, thonë nga Inteligjenca e Mbrojtjes ukrainase, transmeton Gazeta Express.

Sipas njoftimit, veprimet e tanishme të forcave ruse mbi agrikulturën ukrainase, kanë për qëllim dëmtimin dhe rrezikimin e të mbjellave të periudhës së pranverës.

Fraksion.com