Nafta, Kreu i Konfindustrisë: Cilësi e dobët karburanti dhe kontrabandë masive
Kreu i Konfindustrisë, Gert Buxhuku, ka treguar problematikat që ka sektori i karburantit në vendin tonë.
Buxhuku renditi një sërë problemesh si cilësia e dobët e karburantit e deri tek kontrabanda masive, në një lidhje me skype në emisionin “Open”.
Buxhuku u shpreh se jo vetëm që vendi ynë ka cilësi të dobët karburanti, por kemi të bëjmë dhe me një kontrabandë masive. Buxhuku ritheksoi edhe njëherë nevojën për ngritjen e një Enti Rregullator, kërkesë të cilën e konfindustria ia ka paraqitur disa herë konfindustrisë.
“Kërkojmë ngritje të Entit Rregullator dhe ulje taksash. Se do rriste përfitimet e operatorëve në treg. Faktor tjetër shqetësues është fakti që jo më kot mbahen çmimet kaq të larta, ne kemi të dhëna të sigurta që ka kontrabandë masive.
Sa më të larta do të jenë taksat, aq më shumë do ketë evasion fiskal. Në Shqipëri ka 200 mijë tonë kontrabandë. Nëse eliminojmë evazionin fiskal, zbuten taksat dhe stabilizohet çmimi. Problemi tjetër është cilësia shumë e dobët e karburantit që përdorim ne në Shqipëri.”, tha Buxhuku.
Fraksion.com
