Putin mori autorizim të përdorë ushtrinë në Ukrainë, ambasada ruse evakuohet nga Kievi

Ambasada ruse në Kiev ka nisur evakuimin e diplomatëve nga Ukraina.

Si agjencia ruse e lajmeve TASS dhe AFP kanë konfirmuar evakuimin pasi Ministria e Jashtme ruse njoftoi vendimin e djeshëm.

Zëdhënësja Maria Zakharova tha se kjo ishte për shkak të “sulmeve të shumta” ndaj misioneve diplomatike ruse në të gjithë Ukrainën dhe “veprimeve agresive” kundër diplomatëve rusë.

TASS citon një burim në ambasadë duke thënë më herët sot se “evakuimi i personelit tashmë ka filluar”.

Kjo vjen një ditë pasi ligjvënësit në Moskë i dhanë Presidentit Putin lejen për të përdorur forcën jashtë vendit.

Fraksion.com