Kryemadhi: S’e kam problem të shpallem non grata
Kryetarja e LSI, Monika Kryemadhi ka deklaruar se nuk e ka aspak problem të shpallet ‘non grata’.
Ajo foli dhe për djegien e mandateve, të cilën e cilësoi si një blof të PD ndaj LSI.
“Unë them që djegia e mandateve ka qenë gabim i madh, por me votën pro sot për vettingun mendoj që djegia e mandateve ka qenë blof ndaj tyre, për të implementaur gjasme dhe iniciuar më pas bashkëqeverisjen Rama-Basha që duket haptas që është drejt përfundimit të saj”, tha Kryemadhi.
Kryemadhi e cilësoi më tej Presidentin Meta si një njeri që është sulmuar shumë politikisht, megjithatë sipas saj gati për të bërë bërë gjithçka për integrimin e shqiptarëve në BE, madje bën kompromis në kurriz të vetes, familjes e fëmijëve.
“Nuk besoj se ka çështje bashkëpunimi Meta-Berisha, është përjetoja tyre për shkak të filozofisë politike që kanë ato. Ilir Meta është politikani më i çuditshëm në aspektin po themi që ne jetojmë. Ai s’ka bërë asnjë gabim politik. Ka vizion të qartë, në 30 vite është politikani më i sulmuar në mënyrën më të padrejtë. I sulmuar nga Berisha në ’92-in. I sulmuar nga Edi Rama, Fatos Nano, Lulzim Basha. Lulzim Bashën kush e zgjodhi kryetar bashkie? Ministër të Jashtëm? Edi Ramën kush e bëri kryetar bashkie në Tiranë? E bëri Ilir Meta, kundër dëshirës së Nanos. Është histori e gjatë. Ilir Meta është politikan i standardeve që për çështjet e integrimit Evropian bën kompromise në kurriz të vetes së tij, familjes dhe fëmijëve. Çështja e integrimit është i rëndësishëm. Por, ndryshe nga Monika që për hir se çfarë mendojnë qytetarët shqiptarë, Meta s’do e kishte kompleksin kur analistët thonin digjni mandatet, ai do të reagonte ndryshe. Meta është politikan i një stofi ndryshe nga ajo që ne ofrojmë këtë”, tha Kryemadhi.
Kryemadhi theksoi se janë bërë shumë lobingje ndaj saj në Amerikë, nga kryeministri Edi Rama dhe persona të tjerë, megjithatë shtoi se nuk e ka problem aspak të shpallet non grata.
“Unë shkoj shpesh në SHBA, sepse kam familje, njerëz. Për shkak të teknologjisë, ne edhe shtëpisë i blejmë online. Normal që është lobuar shumë kundër Kryemadhit në Amerikë nga Rama dhe zarat e tij. Duhet të kuptoni që historia e shpalljes non grata nuk është e rastësishme, ka një gjë mbrapa. Nuk është thjesht lobim parash. Për një gjë të jeni të bindur, çështja e shpalljes non gata, e mbaroi efektin në shoqërinë shqiptare, nëse nuk të funksionon sistemi i drejtësisë s’ka asnjë lloj vlere. Mund të shpallësh non grata Dakon, por kandidon ai në Durrës e dimë si e vendosi atë zonjën”, tha Kryemadhi.
Fraksion.com
