Aksident në Elbasan-Librazhd: Tre persona humbin jetën, 3 të plagosur rëndë

Aksidenti u shënua në vendin e quajtur “Kthesa e Murrashit, ndërsa mësohet se një automjet tip ML ka humbur kontrollin dhe ka rënë në lumin Shkumbin.

Policia dhe zjarrfikësja mbërritën menjëherë në vendngjarje dhe bënë të mundur nxjerrjen e personave që udhëtonin me këtë automjet.

Deri më tani janë konfirmuar 3 viktima, burrë e grua dhe një tjetër prej pasagjerëve, ndërsa tre persona të tjerë ndodhen në gjendje të rëndë për jetën. Një prej tyre është një fëmijë dhe është në gjendje kome në spitalin e Traumës në Tiranë.

Burime për Top Channel bëjnë të ditur se familja që ndodhej në automjet është nga Kukësi, ndërsa ende nuk dihen identitetet e tyre.

Këto janë pamjet që vijnë nga vendngjarja, ku shihet trupi i pajetë njërit prej personave që ndodheshin në mjet, brenda në ujërat e lumit Shkumbin.

Fraksion.com